ស៊ន សៀវម៉ី និងអត្តពលិកកម្ពុជាដទៃទៀត បានមកដល់មាតុភូមិវិញព្រឹកនេះ

2017-08-30 04:07:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

វីរកីឡាការិនី ស៊ន សៀវម៉ី ម្ចាស់មេដាយមាសស៊ីហ្គេមលើកទី២៩ លើវិញ្ញាសាតេក្វាន់ដូប្រភេទទម្ងន់ក្រោម ៧៣គីឡូក្រាម និងអត្តពលិកកម្ពុជាផ្សេងៗទៀត បានត្រឡប់ពីទីក្រុងកូឡាឡាំពួរ ប្រទេសម៉ាឡេស៊ី មកដល់អាកាសយានដ្ឋានអន្តរជាតិភ្នំពេញ នាម៉ោង ១០:៣០ នាទីព្រឹកថ្ងៃទី៣០ ខែសីហា ឆ្នាំ២០១៧ នេះ។

លោក ហង្ស ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានមានប្រសាសន៍ថា នៅថ្ងៃអនាគត ក្រសួងនឹងពង្រឹងកិច្ចសហប្រតិបត្តិការជាមួយប្រទេសកូរ៉េខាងត្បូង ជាពិសេសកីឡាតេក្វាន់ដូ ដោយបញ្ចូនកីឡាករទៅហ្វឹតហាត់នៅកូរ៉េ និងអញ្ជើញកីឡាករកូរ៉េខាងត្បូងមកប្រកួតមិត្តភាពនៅកម្ពុជា ដើម្បីកីឡាករ កីឡាការិនីកម្ពុជា ទទួលបានឱកាស និងបទពិសោធន៍ សម្រាប់ប្រកួតក្នុងព្រឹត្តិការណ៍ធំៗលើពិភពលោក។

សូមបញ្ជាក់ថា ក្រៅពីមេដាយមាសរបស់ ស៊ន សៀវម៉ី កម្ពុជាទទួលបានមេដាយសំរឹទ្ធចំនួន ២គ្រឿងទៀត ដោយកីឡាការិនីកូនកាត់អាមេរិក Cassie Tubbs និងកីឡាករ-កីឡាការិនីសម្ដែងគូ ទួន ណាវុធ និង ស៊ីម រចនា៕