កម្ពុជា ចង់ដណ្តើមចំណាត់ថ្នាក់ស៊ីហ្គេមលេខ៧ នៅពីលើមីយ៉ាន់ម៉ា

2017-09-03 02:29:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បាននិយាយថា កម្ពុជា មានមហិច្ឆតា ដណ្ដើមចំណាត់ថ្នាក់លេខ៧ គឺនៅពីលើមីយ៉ាន់ម៉ា។ ការលើកឡើងនេះ ក្រោយស៊ីហ្គេមចំនួន ២លើកហើយ គឺឆ្នាំ២០១៥ នៅសឹង្ហបូរី និង២០១៧នៅម៉ាឡេស៊ី ចំណាត់ថ្នាក់របស់កម្ពុជា ស្ថិតនៅពីលើឡាវ គឺចំណាត់ថ្នាក់លេខ៨។

លោក វ៉ាត់ ចំរើន ពន្យល់ថា កម្ពុជាត្រូវការចំណាត់ថ្នាក់លេខ៧នេះ តែចំណាត់ថ្នាក់នេះ កម្ពុជាត្រូវការមេដាយមាសពី១០ ទៅ ២០គ្រឿងទៀត ទើបឈរបាន។ ហេតុនេះ សហព័ន្ធជាតិនីមួយៗត្រូវតែពង្រឹងខ្លួនឯងទើបបានចំណាត់ថ្នាក់នេះ។

លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា

លោកអះអាងថា ស៊ីហ្គេមលើកទី៣០ ដែលធ្វើនៅប្រទេសហ្វីលីពីននាឆ្នាំ២០១៩ គឺត្រូវតែមានជាង១០ប្រភេទកីឡារកមេដាយឲ្យបាន ហើយស៊ីហ្គេមលើកទី៣១ ឆ្នាំ២០២១ នៅប្រទេសវៀតណាមនោះ ត្រូវតែមាន២០ប្រភេទកីឡា យកមេដាយឲ្យបាន៕

ប្រភព៖ រស្មីកម្ពុជា ប្រែសម្រួល៖ សំភី