បែលហ្សិក បានកក់កៅអី នៅ World Cup ហើយ ក្រោយយកឈ្នះក្រិចទាំងលំបាក

2017-09-03 23:16:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជម្រើសជាតិបែលហ្សិក បានយកឈ្នះក្រុមក្រិច ដោយលទ្ធផល ២-១ នៅវគ្គជម្រុះ World Cup 2018 ប្រចាំតំបន់អឺរ៉ូ ពូល H កាលពីយប់មិញនេះ។ ២គ្រាប់របស់បែលហ្សិក ធ្វើបានដោយ Vertonghen នៅនាទី៧០ និង Lukaku នៅនាទី ៧៤។ ចំណែក ១គ្រាប់របស់ក្រិច ធ្វើបានដោយ Goncalves Rodrigues នៅនាទី ៧៣។

លទ្ធផលនេះធ្វើឲ្យ បែលហ្សិក ក្លាយជាក្រុមដំបូងគេនៅអឺរ៉ុប ដែលទទួលបានកៅអីនៅ World Cup ឆ្នាំក្រោយ នៅប្រទេសរុស្ស៊ី ដោយសារមានពិន្ទុខ្ពស់ដាច់គេក្នុងពូល គឺ ២២ពិន្ទុ នាំមុខក្រុមលេខ២ Bos-Herze រហូតដល់ទៅ ៨ពិន្ទុ ខណៈការប្រកួតនៅក្នុងវគ្គជម្រុះនេះ នៅសល់តែ ២ប្រកួតទៀតប៉ុណ្ណោះ។

នៅក្នុងពូល H នេះដែរ ក្រិច កំពុងស្ថិតនៅលេខ៣ មាន ១៣ពិន្ទុ កោះស៊ីប លេខ៤ មាន ១០ពិន្ទុ អេស្តូនីលេខ៥ មាន ៨ពិន្ទុ និង Gibraltar ស្ថិតនៅបាតតារាង មានទាន់មានពិន្ទុទេ។

សូមបញ្ជាក់ថា មកដល់ពេលនេះ ក្រៅពីបែលហ្សិក ក្រុមផ្សេងទៀតដែលបានកក់កៅអីនៅ World Cup រួមមាន ម្ចាស់ផ្ទះរុស្ស៊ី (ស្វ័យប្រវត្តិ) ប្រេស៊ីល ម៉ិកស៊ីកូ អ៊ីរ៉ង់ និងជប៉ុន៕

ប្រភព៖ BBC ប្រែសម្រួល៖ សំភី