Dele Alli បកស្រាយពីការបញ្ចេញកាយវិការមិនសមរម្យលើទីលាន

2017-09-05 07:33:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Dele Alli ត្រូវបានសារព័ត៌មាននានា ចុះផ្សាយពីសកម្មភាពមួយដែលគេបានបង្ហាញដល់មិត្តរួមក្រុម Kyle Walker អំឡុងការប្រកួតវគ្គជម្រុះ World Cup 2018 ដែលក្រុមម្ចាស់ផ្ទះអង់គ្លេស បានយកឈ្នះស្លូវ៉ាគី ដោយលទ្ធផល ២-១ កាលពីយប់មិញ ។

ដើមឡើយ ការយល់ឃើញមួយចំនួនបានលើកឡើងថា ខ្សែបម្រើរបស់ Spurs រូបនេះ មានចេតនាបញ្ចេញកាយវិការនេះដាក់អាជ្ញាកណ្ដាលសញ្ជាតិបារាំង Clement Turpin ដែលជាអ្នកកាត់សេចក្ដីក្នុងជំនួបនោះ។ ប៉ុន្តែបន្ទាប់ពីការប្រកួតបានបញ្ចប់ តារាឆ្នើមរបស់អង់គ្លេសរូបនេះ បានអះអាងថា រូបគេគ្រាន់តែលេងសើចជាមួយមិត្តរួមក្រុមរបស់គេប៉ុណ្ណោះ។

Alli បានសរសេរបង្ហោះនៅលើបណ្ដាញសង្គម Twitter ថា៖ «គ្រាន់តែចង់បកស្រាយថា កាយវិការយប់នេះ គឺគ្រាន់តែជាការលេងសើចរវាងខ្ញុំ ជាមួយមិត្តសំឡាញ់ Kyle Walker ប៉ុណ្ណោះ! សូមអភ័យទោសប្រសិនបើមានការលើសលស់ណាមួយ!»។

សកម្មភាពរបស់ Alli ត្រូវបានបង្ហាញលើកញ្ចក់ទូរទស្សន៍ដែលផ្សាយទូទាំងពិភពលោកយ៉ាងច្បាស់។ ទោះបីជាមានការបកស្រាយយ៉ាងណាក្ដី ប្រសិនបើ FIFA រកឃើញថា Alli មានបំណងធ្វើដាក់លើអាជ្ញាកណ្ដាលមែននោះ រូបគេអាចត្រូវពិន័យ មិនឲ្យលេងចំនួន ៣ប្រកួត រួមទាំងការប្រកួតបញ្ចប់ពូល ទល់នឹងក្រុមស្លូវើនៀ និង លីទុយអានី នៅខែតុលា ខាងមុខផងដែរ៕

ប្រភព៖ Dailymail ប្រែសម្រួល៖ លាភ.