Neymar និង Canani ស្ថិតក្នុងបញ្ជីដែលគ្រូ PSG អាចដាក់ប្រកួតទល់នឹង Bayern

2017-09-27 07:22:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទោះបីជាកំពុងមានជម្លោះនឹងគ្នាក្ដី ក៏ខ្សែប្រយុទ្ធ Neymar និង Edinsson Cavani ត្រូវបានដាក់ក្នុងបញ្ជីកីឡាកររបស់ PSG ដែលត្រូវត្រៀមទទួលស្វាគមន៍ក្រុមជើងខ្លាំងរបស់អាល្លឺម៉ង់ Bayern Munich ក្នុងការប្រកួតទីពីរ វគ្គសន្សំពិន្ទុ ពូល B ពានរង្វាន់ UEFA Champions League វេលាម៉ោង ១:៤៥ នាទីរំលងអាធ្រាត្រ ឈានចូលថ្ងៃទី២៨ ខែកញ្ញា ឆ្នាំ២០១៧។

សកម្មភាពហ្វឹកហាត់របស់ PSG

កីឡាកររបស់ក្រុមទាំងពីរ ដែលទំនងជាត្រូវដាក់ចូលលេង

PSG៖ អ្នកចាំទី (Areola); ខ្សែការពារ (Alves, Silva, Marquinhos, Kurzama); ខ្សែបម្រើ (Verratti, Draxler, Rabiot); ខ្សែប្រយុទ្ធ (Mbappe, Cavana, Neymar); របួស (Pastore)

Bayern Munich៖ អ្នកចាំទី (Ulreich); ខ្សែការពារ (Kimmich, Boateng, Hummels, Rafinha); ខ្សែបម្រើ (Thiago, Vidal, Ribery, James, Robben); ខ្សែប្រយុទ្ធ (Lewandowski); របួស (Neuer, Bernat)

សកម្មភាពហ្វឹកហាត់របស់ Bayern Munich

ការពិតមួយចំនួន

Robert Lewandowski រកបាន ១១គ្រាប់ហើយក្នុងរដូវកាលនេះ។ កាលពីប្រកួតទីមួយ រូបគេស៊ុតបើកឆាក ឲ្យ Bayern ឈ្នះ Anderlecht ៣-០ ។
PSG ជួប Bayern លើកចុងក្រោយ កាលពីរដូវកាល២០០០-០១ ដែលជារដូវកាល Bayern លើកពាន Champions League ។
៣ប្រកួតចុងក្រោយរបស់ Bayern នៅបារាំង បានយកឈ្នះទាំង ៣លើក លើក្រុម Lille, Lyon និង Marseille ។
PSG លេងក្នុងដី ចាញ់តែមួយលើកប៉ុណ្ណោះ ក្នុង ៤៣ប្រកួត នៅក្នុងពានរង្វាន់ផ្សេងៗនៃទ្វីបអឺរ៉ុប។
Bayern ជាជើងឯក UCL ៥លើក ខណៈ PSG មិនធ្លាប់ឈ្នះពាននេះឡើយ។\