រដ្ឋមន្ត្រីព័ត៌មាន៖ សេរីភាពសារព័ត៌មាននៅកម្ពុជា មិនថយចុះទេ

2017-09-28 14:19:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ ជាថ្មីម្តងទៀត នៅព្រឹកថ្ងៃទី២៨ ខែកញ្ញានេះ បានគូសបញ្ជាក់ថា នៅកម្ពុជា បើទោះបីជាស្ថាប័នសារព័ត៌មានបរទេស ចំនួន ៣ គឺ វិទ្យុអាស៊ីសេរី (RFA) វិទ្យុសំឡេងសហរដ្ឋអាមេរិក (VOA) និងកាសែត The Cambodia Daily មិនដំណើការ ឬមិនមានការិយាល័យនៅកម្ពុជា ក៏សិទ្ធិសេរីភាពសារព័ត៌មាននៅកម្ពុជា មិនថយចុះឡើយ។

លោក ខៀវ កាញារីទ្ធ ក្នុងពិធីសម្ពោធស្ដូបរម្លឹកវិញ្ញាណក្ខន្ធអ្នកកាសែត កាលពីព្រឹកមិញនេះ

ក្នុងពិធីសម្ពោធស្តូបរម្លឹកវិញ្ញាណក្ខន្ធអ្នកកាសែត នៅសួនច្បារមុខស្ថានទូតបារាំង ក្នុងរាជធានីភ្នំពេញ នាព្រឹកថ្ងៃទី២៨ ខែកញ្ញានេះ លោករដ្ឋមន្ត្រី ខៀវ កាញារីទ្ធ បានលើកឡើងថា ទោះបីជាវិទ្យុអាស៊ីសេរី បានបិទការិយាល័យរបស់ខ្លួននៅកម្ពុជា ប៉ុន្តែសាធារណជនទូទៅ នៅតែអាចបន្តតាមដានព័ត៌មានពីវិទ្យុនេះ តាមរយៈប្រព័ន្ធបណ្តាញសង្គមហ្វេសប៊ុក និង Youtube ជាដើម។ ដូច្នេះ ការចោទប្រកាន់កន្លងមកនេះ មកលើរាជរដ្ឋាភិបាលកម្ពុជា ថាជាអ្នកបិទវិទ្យុបរទេសនេះ គឺផ្ទុយនឹងស្ថានភាពជាក់ស្តែង។

លោករដ្ឋមន្ត្រីបន្ថែមថា នៅកម្ពុជា ក្រៅពីកាសែតជាភាសាអង់គ្លេស The Cambodia Daily និងវិទ្យុអាស៊ីសេរី គឺនៅមានកាសែត និងវិទ្យុច្រើន ដែលកំពុងដំណើការផ្សាយព័ត៌មាន៕

អត្ថបទ៖ លីហៀង