យូរី ក្លាយជាតួឯកលើកដំបូង ក្នុងរឿងខ្នាតធំ១ របស់សាន់ដេ
- 2017-10-01 07:15:10
- ចំនួនមតិ 0 | ចំនួនចែករំលែក 0
យូរី ក្លាយជាតួឯកលើកដំបូង ក្នុងរឿងខ្នាតធំ១ របស់សាន់ដេ
ចន្លោះមិនឃើញ
យូរី បានប្រាប់ថា ផលិតកម្មសាន់ដេ កំពុងតែសរសេររឿងខ្នាតធំ១រឿង ឲ្យខ្លួនសម្ដែង ដោយក្នុងរឿងថ្មីនេះ នាងសម្ដែងជាតួឯកលើកដំបូង។
ម្ចាស់បទ «រាំចាក់ទឹកដូង» បន្តថា នេះមិនមែនជាលើកទី១ទេ ដែលផលិតកម្មសាន់ដេ បានផ្ដល់ឱកាសឲ្យខ្លួនសម្ដែងក្នុងរឿងខ្នាតធំបែបនេះ។ កន្លងមកនេះ នាងក៏ធ្លាប់ថតបាន២ រឿងមកហើយជូនផលិតកម្មានដូចជារឿង "ព្រាយក្បាល៨" និងរឿង "សង្សារខ្មោច" តែមិនទាន់បានដាក់បញ្ចាំងនៅឡើយទេ។
យូរី បន្ថែមថា «គ្រាន់តែថា ២រឿងដែលខ្ញុំថតលើកមុនហ្នឹងឲ្យសានដេ ខ្ញុំមិនបានសម្ដែងជាតួឯកទេ តែរឿងថ្មី ដែលកំពុងតែសរសេរឲ្យខ្ញុំនេះ គឺខ្ញុំដើរតួឯក។ ចំពោះតួឯកប្រុសអ្នកណាខ្ញុំអត់ទាន់ដឹងច្បាស់ទេបង ចំណែកចំណងជើងរឿងសុំលាក់សិន»។
នាងបញ្ជាក់ថា ចំពោះការថតរឿងដែលសម្ដែងជាតួឯកលើកដំបូង គ្មានអ្វីពិបាកសម្រាប់ខ្លួនឡើយ ព្រោះកន្លងមកនាងក៏ធ្លាប់ថតបទចម្រៀង និងសម្ដែងរឿងមួយចំនួនផងដែរ៕