កម្ពុជា ចូលរួមការប្រកួតជើងឯកប្រដាល់សាកលនារីទ្វីបអាស៊ី ជាលើកដំបូង

2017-10-02 01:44:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាប្រដាល់សាកលកម្ពុជា នឹងបញ្ជូនកីឡាការិនី ៣រូប ទៅចូលរួមការប្រកួត ជើងឯកប្រដាល់សាកលនារី ទ្វីបអាស៊ី ឆ្នាំ២០១៧ (2017 ASBC Asian Confederation Women's Boxing Championships) ជាលើកដំបូង នៅទីក្រុងហូជីមិញ ប្រទេសវៀតណាម ចាប់ពីថ្ងៃទី២ ដល់ថ្ងៃទី៨ ខែវិច្ឆិកា ឆ្នាំ២០១៧។

កីឡាការិនី ទាំង ៣រូបរួមមាន៖

១- កីឡាការិនី វី ស្រីខួច ប្រភេទទម្ងន់ ៦០គីឡូក្រាម

២- កីឡាការិនី អេព្រីយ៉ានុត ភូថង ប្រភេទទម្ងន់ ៥៧គីឡូក្រាម

៣- កីឡាការិនី នូវ ស្រីពៅ ប្រភេទទម្ងន់ ៥៤គីឡូក្រាម

កីឡាការិនីទាំង ៣រូប នឹងអមដំណើរដោយលោក ឆឹង យ៉ៅយ៉េន ប្រធានសហព័ន្ធកីឡាប្រដាល់សាកលកម្ពុជា ហើយចេញដំណើរនៅថ្ងៃទី៣១ ខែតុលា ឆ្នាំ២០១៧ ខាងមុខនេះ។ គ្រូបង្វឹកគឺ លោក វ៉ែន សុផល ដែលកំពុងបង្ហាត់បង្ហាញកីឡាការិនីទាំង ៣រូប នៅសាលហ្វឹកហាត់ក្រុមជម្រើសជាតិប្រដាល់នៅពហុកីឡដ្ឋានជាតិ។

(ពីឆ្វេងទៅស្ដាំ៖ អេព្រីយ៉ានុត ភូថង, វី ស្រីខួច, នូវ ស្រីពៅ)

សូមបញ្ជាក់ថា ការប្រកួតនេះ តម្រូវឲ្យកីឡាការិនីមកពីប្រទេសនានាចុះឈ្មោះចូលរួមប្រកួត និងមានអាយុក្រោម ២០ឆ្នាំ។ ការប្រកួត ជើងឯកប្រដាល់សាកលនារី ទ្វីបអាស៊ី ឆ្នាំ២០១៧ ចែកជា ១០វិញ្ញាសា គឺ ប្រភេទ ៤៨, ៥១, ៥៤, ៥៧, ៦០, ៦៤, ៦៩, ៧៥, ៨១ និង លើ ៨១ គីឡូក្រាម៕

អត្ថបទ៖ លាភ.