លោក Leo៖ អវត្តមាន ប្រាក់ មុន្នីឧត្តម មិនមែនជារឿងគួរឲ្យបារម្ភរបស់កម្ពុជាឡើយ

2017-10-03 03:24:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គ្រូបង្វឹកក្រុមជម្រើសជាតិកម្ពុជា លោក Leonardo Vitorino បានអះអាងថា ការបាត់បង់កីឡាករ ប្រាក់ មុន្នីឧត្តម មិនមែនជារឿងដែលគួរឲ្យព្រួយបារម្ភឡើយ ព្រោះលោកសម្លឹងឃើញកីឡាករដែលអាចជំនួសកន្លែងរបស់ ឧត្តម បានហើយ ដូចជា អ៊ិន សូដាវីដ និង សុះ ស៊ូហាណា។

លោក Leonardo Vitorino

លោក Leonardo បានប្រាប់ដល់ទំព័រកីឡា TheMorning ថា៖ ***«បាល់ទាត់គឺជាកីឡាដែលលេងជាក្រុម ដូច្នេះខ្ញុំជឿជាក់លើសមត្ថភាពកូនក្រុមរបស់ខ្ញុំថា ពួកគេនឹងអាចលេងក្នុងកម្រិតមួយដ៏ល្អ។ ខ្ញុំមានទំនុកចិត្តលើកីឡាករគ្រប់រូប ដែលខ្ញុំបានកោះហៅចូលជម្រើសជាតិ។ ទេពកោសល្យរបស់កីឡាករម្នាក់ៗ អាចបង្ហាញនៅក្នុងការប្រកួត តែការសហការគ្នាជាក្រុមបានល្អអាចជួយឲ្យឈ្នះពានរង្វាន់នានាបាន។ ប្រសិនបើកីឡាករក្នុងក្រុមចង់ឈ្នះ ពួកគេប្រាកដជាអាចធ្វើបាន»***។

គ្រូបង្វឹកសញ្ជាតិប្រេស៊ីលដដែល បានបញ្ជាក់ជាថ្មីថា មូលហេតុដែលកាត់ ប្រាក់ មុន្នីឧត្តម ចេញពីក្រុមជម្រើសជាតិ គឺដោយសារបញ្ហាគ្រួសារ ដែលម្ដាយរបស់គេកំពុងសម្រាកព្យាយាមនៅមន្ទីរពេទ្យ។

ក្រុមជម្រើសជាតិកម្ពុជា នឹងប្រកួតមិត្តភាពអន្តរជាតិជាមួយក្រុមជម្រើសជាតិឥណ្ឌូណេស៊ី នៅថ្ងៃទី៤ ខែតុលា ឆ្នាំ២០១៧៕

អត្ថបទ៖ លាភ.