លីគកំពូលថៃ នឹងកាត់បន្ថយចំនួនក្រុម នៅរដូវកាល២០១៩

2017-10-05 01:27:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សហព័ន្ធកីឡាបាល់ទាត់ថៃ បានប្រកាសក្រោយកិច្ចប្រជុំមួយកាលពីថ្ងៃអង្គារ កន្លងទៅថា លីគកំពូល Thai League 1 របស់ខ្លួន នឹងកាត់មកសល់ត្រឹមតែ ១៦ក្រុមប៉ុណ្ណោះ នៅក្នុងឆ្នាំ២០១៩ ដោយបច្ចុប្បន្ន មាន ១៨ក្រុមកំពុងប្រកួតប្រជែងនៅក្នុងលីគមួយនេះ។

ការប្រកួតនៅលីីគកំពូលថៃ

ដូច្នេះ ៥ក្រុមនឹងត្រូវធ្លាក់ទៅកាន់លីគលំដាប់ទីពីរថៃ នៅរដូវកាលក្រោយ។ សហព័ន្ធកីឡាបាល់ទាត់ថៃ រំពឹងថា ការកាត់បន្ថយចំនួនក្រុមក្នុងលីគកំពូលនេះ នឹងធ្វើឲ្យកីឡាករក្រុមជម្រើសជាតិ មានឱកាសសម្រាកគ្រប់គ្រាន់ ដើម្បីជួយជម្រើសជាតិក្នុងការប្រកួតផ្សេងៗ។

បច្ចុប្បន្ន Thai League 1 តម្រូវឲ្យក្រុមនីមួយៗលេងចំនួន ៣៤ប្រកួតក្នុងមួយរដូវកាល។ លើសពីនេះ កីឡាករក្រុមនីមួយៗ មានភាពមហាញឹកក្នុងការប្រកួតព្រឹត្តិការណ៍ធំៗ នានា រួមទាំងពានរង្វាន់ FA Cup និង League Cup ផងដែរ៕

ប្រភព៖ Football Tribe ប្រែសម្រួល៖ លាភ.