លោក Leo បង្ហោះសារអរគុណដល់ ចាន់ វឌ្ឍនាកា

2017-10-21 03:05:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃសៅរ៍ ទី២១ ខែតុលា ឆ្នាំ២០១៧ នេះ អតីតគ្រូបង្វឹកក្រុមជម្រើសជាតិកម្ពុជា លោក Leonardo Vitorino បានសរសេរនៅលើទំព័រហ្វេសប៊ុកផ្លូវការរបស់លោក ដើម្បីបង្ហាញពីការអរគុណ ដល់ខ្សែប្រយុទ្ធ ចាន់ វឌ្ឍនាកា ក្រោយពីការប្រកាសចាកចេញពីតួនាទីជាគ្រូបង្វឹកក្រុមជម្រើសជាតិកម្ពុជា កាលពីថ្ងៃសុក្រ ទី១៩ ខែតុលាកន្លងទៅ។

គ្រូបង្វឹកសញ្ជាតិប្រេស៊ីលរូបនេះ បានសរសេរថា៖ «ជាថ្មីម្ដងទៀត នេះជាកីឡាករកំពូលម្នាក់ដែលខ្ញុំធ្លាប់បានធ្វើការជាមួយ។ អរគុណ វឌ្ឍនាកា!»។ លោកបានបង្ហោះជាមួយរូបភាពមួយសន្លឹក នៅពេលដែលលោកកំពុងប្រាប់ទៅដល់ខ្សែប្រយុទ្ធខាងលើ អំឡុងពេលហ្វឹកហាត់នៅពហុកីឡដ្ឋានជាតិ។

លោក Leonardo Vitorino បង្ហោះព្រឹកថ្ងៃទី២១តុលានេះ

ចាន់ វឌ្ឍនាកា ជាកីឡាករដ៏សំខាន់ដែលលោក Leo តែងតែកោះហៅមកជួយក្រុមជម្រើសជាតិ ស្របពេលដែលរូបគេកំពុងប្រកបអាជីពនៅក្រុម Fujieda MYFC នៃលីគលំដាប់ទី៣ប្រទេសជប៉ុន។ ខ្សែប្រយុទ្ធដែលត្រូវបានខ្ចីជើងពីក្រុមបឹងកេតរយៈពេល ១រដូវកាលដដែល បានបង្ហាញខ្លួននៅក្រុមជម្រើសជាតិស្ទើរគ្រប់ការប្រកួតដែលដឹកនាំដោយរូបលោក ក្នុង ៧ប្រកួតដែលកម្ពុជាឈ្នះ១ និងចាញ់៦៕

អត្ថបទ៖ លាភ.