អ្នកប្រដាល់កម្ពុជាម្នាក់ ប្ដេជ្ញាលើកមុខមាត់ប្រទេសជាតិ នៅភូមា

2017-10-26 03:03:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រដាល់គុនខ្មែរម្នាក់របស់ក្លឹបប្រដាល់ Cambodia Top Team បានសន្យាខំប្រឹងប្រកួតយកជ័យជម្នះនៅប្រទេសភូមា ដើម្បីជាមុខមាត់ប្រទេសជាតិ ក៏ដូចជាការបង្ហាញពីក្បាច់គុនបុរាណខ្មែរលើឆាកអន្តរជាតិ។

កីឡាករ រិន សារ័ត្ន បានឲ្យដឹងថា សម្រាប់ការប្រកួតមិត្តភាពអន្តរជាតិនៅភូមា នាដើមខែវិច្ឆិកានេះ គេប្ដេជ្ញាចិត្តខំប្រឹងដើម្បីយកជ័យជម្នះមកកម្ពុជាវិញ។ ហើយបច្ចុប្បន្ន ជើងខ្លាំងរូបនេះ កំពុងហ្វឹកហាត់យ៉ាងសកម្មទាំងកម្លាំង និងស្នៀតប្រយុទ្ធផ្សេងៗ។

កីឡាករ រិន សារ័ត្ន

ជុំវិញការប្រកួត អ្នកប្រដាល់ដដែលបន្ថែមថា គេតម្រូវឲ្យរុំអំបោះជំនួសហ្គង់ ហើយពេលកីឡាករចាប់គ្នា ពួកគេអាចយកក្បាលបុក ឬ គោះលើដៃគូបាន។ រូបគេយល់ថា ចំណុចទាំងនេះ ជាការលំបាកខ្លះដល់អ្នកប្រដាល់កម្ពុជា ប៉ុន្តែវាមិនមែនជារឿងដែលគួរឲ្យបារម្ភខ្លាំងនោះទេ ព្រោះរូបគេបានហ្វឹកហាត់ត្រៀមខ្លួនបានល្អ និងយូរគួរសម។

ចំណែកលោក ហ៊ុន ចាន់រាជ គ្រូបង្វឹករបស់ក្លឹបប្រដាល់ Cambodia Top Team បានឲ្យដឹងដែរថា សមត្ថភាពដៃគូរបស់កូនសិស្សរបស់លោក គឺមិនជាខ្លាំងអ្វីណាស់ណានោះទេ។ បើប្រៀបធៀបស្នៀតប្រយុទ្ធវិញ គឺចាញ់ រិន សារ័ត្ន ហើយអ្វីដែលចាប់អារម្មណនោះ គឺរបៀបវ៉ៃរបស់ពួកគេខុសពីកម្ពុជាខ្លះៗ អាចជាការលំបាករបស់កីឡាករកម្ពុជា។

លោក ហ៊ុន ចាន់រាជ

រិន សារ័ត្ន រួមនិងលោកគ្រូ ហ៊ុន ចាន់រាជ នឹងត្រូវចាកចេញពីប្រទេសកម្ពុជា នាថ្ងៃទី៣១ ខែតុលា ឆ្នាំ២០១៧នេះ ដើម្បីចូលរួមប្រកួតមិត្តភាពអន្តរជាតិជាមួយម្ចាស់ផ្ទះភូមា នាថ្ងៃទី៤ វិច្ឆិកា ឆ្នាំ២០១៧ ខាងមុខនេះ៕

អត្ថបទ៖ នួន ស៊ីណា