អ្នកស្រី កែ ឡេង បានឡើងទៅវគ្គបន្ត នៃព្រឹត្តិការណ៍ជើងឯកប៉េតង់ពិភពលោកហើយ

2017-11-10 06:56:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាការិនី កែ ឡេង ដែលជាម្ចាស់មេដាយមាសពិភពលោក២សម័យ ធ្វើបានយ៉ាងល្អក្នុងវគ្គសន្សំពិន្ទុនៃការប្រកួតវិញ្ញាសានារីទោល Shooting ក្នុងព្រឹត្តិការណ៍ប្រកួតជើងឯកប៉េតង់ពិភពលោកនៅខេត្ត Kaihua ប្រទេសចិន។

អ្នកស្រី កែ ឡេង ក្នុងអំឡុងការប្រកួតកីឡាស៊ីហ្គេម នៅម៉ាឡេស៊ី ឆ្នាំ២០១៧

វគ្គសន្សំពិន្ទុនេះប្រកួតលើកទី១ អ្នកស្រីបានយកឈ្នះ កីឡាការិនីប្រទេស Madagascar ១៣-៦ ប្រកួតលើកទី២ចាញ់កីឡាការិនីប្រទេសបារាំង ៩-១១ ប្រកួតលើកទី៣ឈ្នះកីឡាការិនីប្រទេស Ecosse ១៣-២ និងប្រកួតលើកទី៤ចាញ់កីឡាការិនីប្រទេសអ៊ីតាលី ១២-១៣ ដែលសរុបបាន ៤៦ពិន្ទុឈរលើគេក្នុងចំណោមបេក្ខនារីទាំងអស់ ៤៣ប្រទេស។ ដូច្នេះមានន័យថា វីរនារីកម្ពុជារូបនេះ បានឡើងវគ្គបន្តហើយ។

គួររម្លឹកថា វិញ្ញាសានារីវាយទោល Shooting នេះ អ្នកស្រី កែ ឡេង ធ្លាប់ឈ្នះមេដាយមាស២ដងគឺលើកទី១ឈ្នះនៅប្រទេសបារាំងកាលពីឆ្នាំ២០១៣ និងលើកទី២ឈ្នះនៅប្រទេសថៃឆ្នាំ២០១៥ដែលជាឆ្នាំការពារមេដាយមាសរបស់ខ្លួនទី១បានសម្រេច។ សម្រាប់ឆ្នាំ២០១៧នេះ អ្នកស្រីត្រូវការពារជាលើកទី២៕