បើ១ថ្ងៃរកបានតែ ២ដុល្លារ តើមហាសេដ្ឋី Bill Gates នឹងធ្វើដូចម្ដេច?

2017-11-13 07:45:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មហាសេដ្ឋី Bill Gates ស្ថាបនិកក្រុមហ៊ុន Microsoft បានលាតត្រដាងនៅលើប្លុករបស់ខ្លួន អំពីរឿងដែលគាត់ត្រូវធ្វើ ប្រសិនបើគាត់អាចរកចំណូលបានត្រឹមតែ ២ដុល្លារក្នុងមួយថ្ងៃ។

លោក Bill Gates

បុរសដែលមានវ័យ ៦២ឆ្នាំរូបនេះបានបង្ហើបថា បើគាត់មានត្រឹមតែ ២ដុល្លារក្នុងមួយថ្ងៃ រឿងដែលគាត់ត្រូវធ្វើមុនគេបង្អស់គឺ ចិញ្ចឹមមាន់។ លោកបានសរសេរលើប្លុករបស់លោកកាលពីប៉ុន្មានខែកន្លងទៅថា៖ ***«ខ្ញុំបានជួបមនុស្សជាច្រើននៅប្រទេសក្រីក្រ ហើយពួកគេបានប្រកបរបរចិញ្ចឹមមាន់។ ខ្ញុំបានរៀនរបៀបចិញ្ចឹមប្រភេទសត្វបក្សីនេះច្រើន។ សម្រាប់ខ្ញុំ មនុស្សដែលរស់នៅក្នុងជីវភាពក្រីក្រលំបាក គួរតែប្រកបរបរចិញ្ចឹមមាន់»***។

មូលហេតុដែលមហាសេដ្ឋីប្រាក់ពាន់លានរូបនេះ លើកឡើងដូច្នេះ ព្រោះមាន់ជាសត្វដែលមានតម្លៃថោក ហើយងាយស្រួលក្នុងការមើលថែ។ ជាពិសេស មាន់ និងពងរបស់វា ជាប្រភពចំណូលធំមួយរបស់ប្រជាជនក្រីក្រ។

លោក Bill Gates បានសហការជាមួយកម្មវិធីសប្បុរសអន្តរជាតិ Heifer ដើម្បីបរិច្ចាគសត្វចិញ្ចឹមជូនដល់គ្រួសារក្រីក្រនៅជុំវិញពិភពលោក។ គោលដៅរបស់ពួកគេគឺជួយគ្រួសារជាង ៣០ភាគរយនៅអនុតំបន់វាលខ្សាច់សាហារ៉ា នៅទ្វីបអាហ្វ្រិក ចិញ្ចឹមមាន់៕

ប្រភព៖ LadBible ប្រែសម្រួល៖ លាភ.