Lee Min Ho និង Suzy បែកគ្នាមែនទែនហើយ

2017-11-16 13:11:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ចំណងស្នេហ៍របស់កំពូលតារាប្រុសស្រីកូរ៉េ Lee Min Ho និង Suzy បានឈានដល់ផ្លូវបំបែកហើយ ក្រោយទាក់ទងគ្នាបាន ជាង ២ឆ្នាំ។ នេះបើយោងតាមប្រភពសារព័ត៌មានរបស់កូរ៉េខាងត្បូង។

សារព័ត៌មានកូរ៉េ Ilgan Sports បានចុះផ្សាយពីការបែកបាក់គ្នានេះ ដោយសម្អាងប្រភពស្និទ្ធនឹងតារាទាំងពីរ។ រីឯកាសែត The Korea Herald បានបញ្ជាក់ថាផលិតកម្ម JYP Entertainment ដែលតំណាងឲ្យ Suzy បានចេញមុខបញ្ជាក់ពីការបែកគ្នានេះ គ្រាន់តែមិនបញ្ជាក់លម្អិត។ ចំណែកផលិតកម្ម MYM Entertainment របស់ Lee Min Ho ក៏បានបញ្ជាក់ដូចគ្នានេះដែរ។

រំលឹកផងដែរថា តារាល្បីជួរមុខទាំងពីរ បានប្រកាសពីទំនាក់ទំនងស្នេហាជាមួយគ្នា កាលពីខែមីនា ឆ្នាំ២០១៥ ហើយចាប់ពីពេលនោះមក ពួកគេតែងទៅណាមកណាជាមួយគ្នា។ មុនឈានដល់ផ្លូវបំបែក តារាទាំងពីរ ក៏ធ្លាប់មានពាក្យចចាមអារ៉ាមថាបែកគ្នាជាច្រើនដងផងដែរ តែពួកគេតែងចេញមុខបដិសេធ៕

អត្ថបទ៖ សុខ សុវត្ថិ