CR7 ចង់បានកូន ៧នាក់ និងឈ្នះពាន Ballon d'Or ៧

2017-11-17 06:50:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កំពូលកីឡាករបាល់ទាត់ Cristiano Ronaldo បានប្រាប់កាសែតបារាំង L'Equipe ថាខ្លួនចង់បានកូនចំនួន ៧នាក់ និងចង់ឈ្នះពាន Ballon d'Or ឲ្យគ្រប់ ៧។

បច្ចុប្បន្ន Ronaldo មានកូន ៤នាក់ហើយ ក្រោយមិត្តស្រី Georgina Rodriguez សម្រាលកូនពៅរបស់ខ្លួន កាលពីដើមសប្ដាហ៍កន្លងទៅ។ ចំណែកពាន Ballon d'Or វិញ កីឡាករដែលស៊ុតបញ្ចូលទីច្រើនជាងគេប្រចាំជម្រើសជាតិព័រទុយហ្គាល់រូបនេះ ធ្លាប់ឈ្នះបាន ៤ដង ហើយរូបគេក៏ជាបេក្ខភាពដែលសង្ឃឹមថានឹងឈ្នះម្ដងទៀត នាខែធ្នូខាងមុខ។

Ronaldo ពេលឈ្នះ Ballon d'Or កាលពីឆ្នាំមុន

Ronaldo និយាយថា៖ "ខ្ញុំជឿជាក់ ថាខ្ញុំនឹងឈ្នះ ខ្ញុំមិនបារម្ភទេ។ ប្រសិនបើសួរខ្ញុំថា តើខ្ញុំចង់ឈ្នះឬទេ ខ្ញុំនឹងឆ្លើយថា ចង់។ ការឈ្នះ Ballon d'Or ជាលើកទី៥ គឺពិតជាមានន័យណាស់សម្រាប់ខ្ញុំ។ ខ្ញុំចង់បានកូន ៧នាក់ ក៏ដូចជា Ballon d'Or ៧។ ដរាបណាខ្ញុំនៅតែលេងបាល់ ខ្ញុំនៅតែមានមហិច្ចតា ចង់ឈ្នះពាន"។

ពានរង្វាល់ Ballon d'Or ឆ្នាំ២០១៧ របស់ទស្សនាវដ្ដី France Football នឹងត្រូវប្រកាសអ្នកឈ្នះ នៅថ្ងៃទី៧ ខែធ្នូ ឆ្នាំ២០១៧។ បេក្ខភាពដែលសង្ឃឹមខ្ពស់ជាងគេ គឺ Ronaldo និង Lionel Messi។

តើប្រិយមិត្តគិតថាកីឡាករណា នឹងឈ្នះ?