LDP ប្រកាសមិនទទួលយកអាសនៈរបស់គណបក្សសង្គ្រោះជាតិនោះទេ

2017-11-20 09:12:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

គណបក្សសម្ព័ន្ធដើម្បីប្រជាធិបតេយ្យ (LDP) បានប្រកាសបដិសេធមិនទទួលយកអាសនៈរបស់គណបក្សសង្គ្រោះជាតិដែលត្រូវបានរំលាយដោយអំណាចសាលដីកាតុលាការកំពូលកាលពីថ្ងៃទី១៦វិច្ឆិកានោះឡើយ។ នេះបើតាមលិខិតរបស់ LDP ផ្ញើទៅកាន់លោក ស៊ិក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃទី២០វិច្ឆិកានេះ។

ក្បួនដង្ហែរបស់ LDP ក្នុងអំឡុងការឃោសនាបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០១៧

ការឆ្លើយតបនេះ ធ្វើឡើងបន្ទាប់ពី គ.ជ.ប បានចេញលិខិតជូនដំណឹងទៅគណបក្សនយោបាយចំនួន៦ ក្នុងនោះរួមមានទាំង LDP ផង កាលពីថ្ងៃទី១៨ ខែវិច្ឆិកា ឆ្នាំ២០១៧ អំពីការផ្តល់ព័ត៌មានចំបាច់មួយចំនួន ដើម្បី គ.ជ.ប ចាត់ចែងអនុវត្តបែងចែកអាសនៈ ដែលនៅទំនេរទៅតាមច្បាប់ស្តីពីវិសោធនកម្មច្បាប់ស្តីពីការបោះឆ្នោតជ្រើសតាំងតំណាងរាស្ត្រ។

លោក ខឹម វាសនា ប្រមុខបក្ស LDP បានសរសេរនៅលើទំព័រហ្វេសប៊ុកថា អាសនៈដែលដកហូតពីគណបក្សសង្គ្រោះជាតិយកមកបែងចែកនោះ គឺគ្មានតម្លៃបន្តិចសោះឡើយ សម្រាប់រូបលោក៕