កែវ សុខផេង ទទួលបានអត្ថប្រយោជន៍អ្វីខ្លះ ក្រោយផ្ទេរទៅក្លឹប PKNP?

2017-12-12 06:00:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើប្រយុទ្ធជម្រើសជាតិកម្ពុជា កែវ សុខផេង បានចុះកុងត្រាលេងឱ្យក្លឹប PKNP FC ដែលទើបមានឱកាសលេងនៅលីគកំពូលម៉ាឡេស៊ី រយៈពេល១រដូវកាល បន្ទាប់ពីលេចធ្លោខ្លាំងក្នុងលីគកំពូលកម្ពុជា និងជម្រើសជាតិកម្ពុជាប្រហែលជា២ឆ្នាំចុងក្រោយនេះ។

កែវ សុខផេងបានប្រាប់ថា ហេតុផលចម្បងដែលរូបគេសម្រេចចិត្តទៅលេងនោះដោយសារនៅទៅទីនោះល្អ គេស្រលាញ់ និងពេញចិត្តរូបគេ ដូច្នេះហើយទើបរូបគេសម្រេចចិត្តទៅ។ ក្រៅពីទទួលបានប្រាក់ខែសមរម្យ រូបគេពិតជាទទួលបានរថយន្ត១គ្រឿងសម្រាប់ធ្វើដំណើរ និងមានផ្ទះ១ខ្នងសម្រាប់ស្នាក់នៅ។ អ្វីដែលពិសេសលេខ១០ដែលរូបគេពាក់ឲ្យជម្រើសជាតិកម្ពុជាកន្លងមក ក៏ទទួលបានលេខ១០នៅក្លឹប PKNP FC ដែរ។

អតីតសមាជិកបឹងកេត និងភ្នំពេញក្រោនរូបនេះទើបវិលត្រឡប់មកពីប្រទេសម៉ាឡេស៊ីកាលពីថ្ងៃចន្ទ ទី១១ ខែធ្នូនេះ បន្ទាប់ពីចុះកុងត្រាជាមួយ PKNP FC រួចរាល់។ រូបគេនឹងចេញទៅលេងក្លឹបថ្មីនេះខែមករា ឆ្នាំ២០១៨ខាងមុខ៕

អត្ថបទពាក់ព័ន្ធ

បកស្រាយមូលហេតុដែលក្រុមរបស់កែវ សុខផេង ជាប់លេខ៣ តែបានឡើងទៅលីគកំពូល

ប្រភព៖ Sabay News អត្ថបទ៖ ជាន ចាន់រ៉ា