Leonardo៖ ខ្ញុំនឹងទៅដឹកនាំវិញ ប្រសិនបើសម្ដេច ហ៊ុន សែន ទាក់ទងមកខ្ញុំដោយផ្ទាល់

2017-12-14 03:10:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Leonardo Vitorino អតីតគ្រូបង្វឹកក្រុមជម្រើសជាតិកម្ពុជា បានបង្ហើបថា អ្នកគាំទ្រកម្ពុជាជាច្រើនចង់ឲ្យលោកត្រឡប់មកដឹកនាំវិញ បន្ទាប់ពីចែកផ្លូវពីកម្ពុជា កាលពីខែតុលា កន្លងទៅ។ ប៉ុន្តែ បុរសជនជាតិប្រេស៊ីលរូបនេះបញ្ជាក់ថា លោកមិនត្រឡប់មកវិញឡើយ លុះត្រាតែសម្ដេចនាយករដ្ឋមន្ត្រី ហ៊ុន សែន ទាក់ទងទៅរូបលោកដោយផ្ទាល់។ នេះជាការសរសេររបស់សារព័ត៌មាន TheMorning នៅព្រឹកថ្ងៃទី១៤ ខែធ្នូ ឆ្នាំ២០១៧នេះ។

លោក Leonardo Vitorino និងអ្នកគាំទ្រកម្ពុជា

លោក Leo បានប្រាប់ថា៖ ***«ខ្ញុំនឹងត្រឡប់ទៅ (កម្ពុជា) វិញ នៅពេលដែលសម្ដេច ហ៊ុន សែន ទាក់ទងមកខ្ញុំដោយផ្ទាល់ នៅថ្ងៃណាមួយ។ ខ្ញុំត្រូវការអំណាចដើម្បីធ្វើការផ្លាស់ប្ដូរ ហើយខ្ញុំមិនប្រើប្រាស់បុគ្គលិកនិងកីឡាករដែលធ្លាប់ប្រព្រឹត្តអំពើមិនត្រឹមត្រូវ ក្នុងវិស័យបាល់ទាត់កម្ពុជាឡើយ»***។

«ខ្ញុំបានទទួលសំណើពីក្លឹបពីរនៅលីគកំពូលថៃ ប៉ុន្តែឆ្នាំនេះ ខ្ញុំបានសម្រេចថា នឹងស្នាក់នៅ (ប្រទេសប្រេស៊ីល ដើម្បីប្រារព្ធ) ពិធីបុណ្យណូអែល ជាមួយឪពុកម្ដាយខ្ញុំ ហើយខ្ញុំនឹងចាប់ផ្ដើមការងារជាថ្មី នៅខែមករាខាងមុខ»។ អតីតគ្រូបង្វឹកជម្រើសជាតិកម្ពុជា បានបន្ថែម។