បច្ចេកវិទ្យានឹងធ្វើឲ្យពិភពលោកទៅជាយ៉ាងណា នៅឆ្នាំ ២០៣៦?

2017-12-15 11:00:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ទស្សនាវដ្ដី Discover Magazine បានចេញផ្សាយការសិក្សាមួយ ដែលសាកសួរយុវជនអាមេរិកចំនួន ២០៨៨នាក់ ឲ្យពួកគេទស្សន៍ទាយពីអនាគតរបស់ពិភពលោកនៅឆ្នាំ ២០៣៦ ហើយសំនួរដែលសាកសួរភាគច្រើនទាក់ទងនឹងបច្ចេកវិទ្យា។

ខាងក្រោមជាការឆ្លើយតបរបស់ពួកគេ៖

៦០% ឆ្លើយថា "រថយន្តបើកដោយគ្មានមនុស្សបញ្ជានឹងចរាចរពេញផ្លូវ"

ក្រុមហ៊ុនធំៗរួមមាន Google, Uber, Apple, Tesla និង Baidu របស់ចិនកំពុងប្រកួតប្រជែងគ្នាផលិត រថយន្តបើកទៅមុខដោយខ្លួនឯងដ៏ល្អឥតខ្ចោះមួយ។ តាមរបាយការណ៍មួយរបស់ Business Insider Intelligence បានប៉ាន់ស្មានថាត្រឹម ២០២០ នឹងមានឡានបើកដោយខ្លួនឯងចំនួន ១០ លានគ្រឿង ចរាចរលើដងវិថី។

៤៩% ឆ្លើយថា "ឧបករណ៍អេឡិចត្រូនិកនឹងបង្កប់លើរាងកាយមនុស្ស"

ការបង្កប់ដុំ microchip ក្រោមស្បែក ឬវិធីសាស្ត្រផ្សេងទៀតនឹងលេចជារូបរាងឡើង ដែលវាជាវិធីមួយជួយឲ្យមនុស្សកាន់តែឆ្លាត និង រីករាយជាងមុន។

៦៩% ឆ្លើយថា "មនុស្សនឹងលែងចាយលុយក្រដាស"

បច្ចុប្បន្នមានយុវវ័យកាន់តែច្រើនបានប្រើប្រាស់ប្រព័ន្ធទូទាត់សាច់ប្រាក់អេឡិចត្រូនិច ដោយត្រូវការតែទូរសព្ទដើម្បីទូទាត់សាច់ប្រាក់។

- ៥២% ឆ្លើយថា "មនុស្សក្លូននឹងមានវត្តមាន"

ទល់បច្ចុប្បន្ននេះអ្នកវិទ្យាសាស្ត្រអាចក្លូន (ការចម្លងសរីរាង្គទាំងស្រុងពីអ្វីមួយ) ថនិកសត្វបានដោយជោគជ័យ ប៉ុន្តែគេនៅមិនទាន់អាចក្លូនមនុស្សបាននៅឡើយទេ។ ប៉ុន្តែប៉ុន្មានឆ្នាំខាងមុខទៀតនេះគេរំពឹងថាការក្លូនមនុស្សនឹងអាចកើតមានឡើង។

៥៤% ឆ្លើយថា "សរីរាង្គមនុស្សបង្កើតឡើងដោយម៉ាស៊ីនព្រីន 3D"

អ្នកវិទ្យាសាស្ត្រកំពុងបង្កើតម៉ាស៊ីនព្រីន 3D ដែលប្រើកោសិកាមានជីវិត ធ្វើជាទឹកថ្នាំ ហើយបង្កើតចេញជាសរីរាង្គមួយ។ ការច្នៃប្រឌិតនេះនឹងលែងត្រូវការ ការបរិច្ចាគសរីរាង្គមនុស្សជាបន្ត ដោយសរីរាង្គអាចបង្កើតបានតាមម៉ាស៊ីន ដើម្បីយកប្រើក្នុងការវះកាត់ផ្លាស់ប្ដូរសរីរាង្គ៕