លោក ខឹម វាសនា ប្រកាសថា នឹងមិនឈរឈ្មោះបោះឆ្នោត ឆ្នាំ២០១៨ នោះទេ

2017-12-17 04:01:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ (LDP) បានប្រកាសចំពោះមុខសមាជិកខ្លួនថា នៅក្នុងការបោះឆ្នោតជ្រើសតាំងរាស្ត្រ អាណត្តិទី៦ ឆ្នាំ២០១៨ ខាងមុខនេះ លោកប្រហែលជាមិនឈរឈ្មោះទេ គឺទុកឲ្យសមាជិកជាអ្នកឈរឈ្មោះវិញ។ ការប្រកាសនេះ ក្នុងវេទិកាជួបជុំសមាជិក នៅព្រឹកថ្ងៃទី១៧ ខែធ្នូនេះ នៅទីស្នាក់ការកណ្តាល LDP សង្កាត់បឹងកក់២ ខណ្ឌទួលគោក។

លោកថ្លែងបញ្ជាក់យ៉ាងដូច្នេះថា៖ «អាណត្តិនេះ ភាគរយច្រើន ប្រហែលជាអត់ឈរឈ្មោះទេ ទុកឲ្យបងប្អូនឈរចុះ។ គេថាខ្ញុំចង់ធ្វើនាយករដ្ឋមន្ត្រី ខ្ញុំមិនធ្វើនាយករដ្ឋមន្ត្រីទេ ការងារច្រើនណាស់»។

លោក ខឹម វាសនា ក្នុងអំឡុងចូលរួមការបោះឆ្នោតជ្រើសរើសក្រុមប្រឹក្សាឃុំសង្កាត់ ឆ្នាំ២០១៧

គួររំលឹកថា កាលពីបោះឆ្នោតជ្រើសតាំងតំណាងរាស្រ្តរដ្ឋសភា ឆ្នាំ២០១៣ គណបក្ស LDP មិនទទួលបានអាសនៈនោះទេ។ ទោះជាយ៉ាងណា ក្រោយការរំលាយគណបក្សសង្គ្រោះជាតិ កាលពីខែវិច្ឆិកា គណៈកម្មាធិការជាតិរៀបចំការបោះឆ្នោត បានសម្រេចបែងចែកអាសនៈរបស់គណបក្សសង្គ្រោះជាតិ ទៅឲ្យគណបក្សមួយចំនួន ក្នុងនោះរួមមាន LDP ផងដែរ ប៉ុន្តែគណបក្សនេះ បានប្រកាសបដិសេធមិនទទួលយកឡើយ៕

អត្ថបទ៖ សំភី