ធ្ងន់ហើយ Atletico Madrid! កីឡាករសំខាន់ Felix របួសមិនបានលេង Champions League

2019-10-20 05:11:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅសប្ដាហ៍ទី ៩ នេះដែរក្រុម Atletico Madrid ត្រូវប៉ះជាមួយ Valencia បញ្ចប់ទៅដោយលទ្ធផល ១-១។ យ៉ាងណាមិញ ខ្សែប្រយុទ្ធវ័យក្មេង Joao Felix លេងបាន ៨០ នាទីបានប៉ះជាមួយខ្សែប្រយុទ្ធលេខ ១០ របស់ប្រជៀវខ្មៅ បណ្ដាលឲ្យរបួសជង្គង់ធ្ងន់ធ្ងររហូតដល់ត្រូវចេញក្រៅទីលាន។

Joao Felix | រូបភាព៖ sport-english

យោងតាមប្រភពព័ត៌មានអេស្ប៉ាញដែលដកស្រង់ពីការប្រកាសរបស់ក្លឹប Atletico Madrid បានចេញមកបញ្ជាក់ថា កម្លាំងសំខាន់តំបន់ខាងលើរូបនេះត្រូវសម្រាកព្យាបាលចាប់ពី ២ ទៅ ៣ សប្ដាហ៍ ឬយ៉ាងតិច ៦ ប្រកួត ប៉ុន្តែអាចនឹងត្រឡប់មកវិញពេលប៉ះ Espanyol បើសិនរបួសសះ ១០០%។

Joao Felix | រូបភាព៖ sport-english

ដោយឡែកប្រកួតបន្ទាប់របស់ Atletico Madrid ត្រូវបើកកីឡដ្ឋានស្វាគមន៍ក្រុមអាល្លឺម៉ង់ Bayer 04 Leverkusen វគ្គសន្សំពិន្ទុតាមពូល Champions League។ បច្ចុប្បន្ន AT នៅលេខ ២ ក្នុងពូល D(មាន ៤ ពិន្ទុស្មើ Juventus លេងឈ្នះ ១ ស្មើ ១ តែចាញ់គ្រាប់ស៊ុតបញ្ចូលទី)។ រីឯក្នុងលីគ ក្រោយលេងបានត្រឹមស្មើយប់មិញ AT ឈរលេខ ៤ (មាន ១៦ ពិន្ទុចាញ់ក្រុមកំពូលតារាង Barcelona ៣ ពិន្ទុ)៕

ទស្សនាវីដេអូខាងក្រោម៖