អ្នកចាត់ការទូទៅបឹងកេត រៀបរាប់ពីការផ្ទេររបស់ ចាន់ វឌ្ឍនាកា

2019-01-17 02:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក បែ មករា អ្នកចាត់ការទូទៅក្លឹបបាល់ទាត់បឹងកេត បានបង្ហើបថា ក្លឹប PKNS ព្រមទាំងក្លឹបមួយចំនួនទៀតនៅម៉ាឡេស៊ី និងថៃ បានព្យាយាមទាក់ទង ចាន់ វឌ្ឍនាកា រហូតមក មុនកីឡាករដែលមានប្រភពពីខេត្តកំពតរូបនេះ សម្រេចចិត្តផ្ទេរទៅកាន់ក្លឹប PKNS ដែលលេងនៅលីគកំពូលម៉ាឡេស៊ី។ នេះបើតាមការចុះផ្សាយរបស់ CNCC កាលពីថ្ងៃទី១៥ ខែមករា ឆ្នាំ២០១៩។

លោក បែ មករា អ្នកចាត់ការទូទៅក្លឹបបាល់ទាត់បឹងកេត និង ចាន់ វឌ្ឍនាកា

អ្នកចាត់ការក្រុមជើងឯកក្របខណ្ឌ Metfone Cambodian League ៣សម័យឲ្យដឹងដែរថា មុនឈានទៅព្រមព្រៀងគ្នាលើការផ្ទេរជាផ្លូវការ ភាគីទាំងសងខាងបានចំណាយពេលចរចាអស់មួយខែ។

លោក បែ មករា ទម្លាយឲ្យដឹងបែបនេះ៖ «តាមពិតទៅ ក្រៅពី PKNS ក៏មានក្លឹបមួយចំនួននៅម៉ាឡេស៊ីដូចគ្នា និងនៅថៃ ដែលទាក់ទងចង់បានវឌ្ឍនាកា ប៉ុន្តែគេបានជ្រើសរើស PKNS ដោយសារលក្ខខណ្ឌដ៏ល្អប្រសើរ តែមិនអាចលម្អិតឲ្យដឹងជាក់លាក់បានទេ»។

ចាន់ វឌ្ឍនាកា

គួរបញ្ជាក់ថា នេះជាលើកទី២ ហើយដែលចាន់ វឌ្ឍនាកា បានទៅប្រកបអាជីពនៅលីគកំពូលម៉ាឡេស៊ី បន្ទាប់ធ្លាប់ចំណាយពេលជើងទី១ នៅរដូវកាល២០១៨ ជាមួយក្លឹប Pahang FA មុនវិលមកបឹងកេតវិញនៅជើងទី២ឆ្នាំដដែល៕

អត្ថបទទាក់ទង CV11 ឈ្នះកីឡាករសិង្ហបុរី ក្នុងការផ្ទេរទៅកាន់ក្លឹបលេខ៣ នៅលីគកំពូលម៉ាឡេស៊ី

អត្ថបទ៖ លាភ.