CV11 ឈ្នះកីឡាករសិង្ហបុរី ក្នុងការផ្ទេរទៅកាន់ក្លឹបលេខ៣ នៅលីគកំពូលម៉ាឡេស៊ី

2019-01-15 06:49:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបាល់ទាត់បឹងកេត បានប្រកាសតាមរយៈពេលវីដេអូអរគុណដល់ខ្សែប្រយុទ្ធ ចាន់ វឌ្ឍនាកា (CV11) ក្នុងការផ្ទេរទៅកាន់ក្លឹបថ្មី PKNS FC របស់លីគកំពូលម៉ាឡេស៊ី បន្ទាប់ពីមានពាក្យចចាមអារ៉ាមផ្ទេរទៅកាន់ក្លឹបនេះ កាលពីពេលថ្មីៗកន្លងទៅ។ ការប្រកាសនេះ គឺបន្ទាប់ពីមានសេចក្ដីរាយការណ៍ថា ក្លឹប PKNS បានពិនិត្យលើលទ្ធភាពក្នុងការនាំយកកីឡាករម្នាក់ ក្នុងចំណោមកីឡាករ ២នាក់ គឺ ចាន់ វឌ្ឍនាការ និងកីឡាករ Gabriel Quak របស់ក្រុមជម្រើសជាតិនៅសិង្ហបុរី។

កីឡាករ Gabriel Quak និង ចាន់ វឌ្ឍនាកា

យោងតាមវេបសាយ Fox Sports Asia ចុះថ្ងៃទី៧ ខែមករា ឆ្នាំ២០១៩ បានឲ្យដឹងថា លោក Datuk K. Rajagobal គ្រូបង្គោលក្លឹបម៉ាឡេស៊ីខាងលើ បានចាប់អារម្មណ៍លើ កីឡាករដែលមានរហស្សនាមថា CV11 ដើម្បីយកទៅបំពេញកូតាកីឡាករអាស៊ាន សម្រាប់រដូវកាល២០១៩ ខាងមុខនេះ។ យ៉ាងណាក៏ដោយ ក្លឹប PKNS មិនទាន់ធ្វើការប្រកាសជាផ្លូវការ ពីការនាំយក CV11 ទៅចូលរួមជាមួយខ្លួននោះទេ។

សូមរំឭកថា PKNS ជាក្លឹបដែលបានបញ្ចប់នៅចំណាត់ថ្នាក់លេខ៣ នៅលីគកំពូលម៉ាឡេស៊ី កាលពីរដូវកាល២០១៨ ដោយឈរនៅលើ ក្លឹបលេខ៤ Pahang FA ដែលជាអតីតក្លឹបដែល ចាន់ វឌ្ឍនាកា ធ្លាប់ប្រកបអាជីពនៅទីនោះ។ ក៏ប៉ុន្តែ Pahang និង វឌ្ឍនាកា បានចែកផ្លូវគ្នាកាលពីពាក់កណ្ដាលរដូវកាល២០១៨។

ចាន់ វឌ្ឍនាកា ដែលផ្ទេរចេញពីក្លឹបបឹងកេត ក៏ធ្លាប់ចេញទៅប្រកបអាជីព នៅជប៉ុននៅលីគលំដាប់ទី៣ ផងដែរ គឺលេងនៅក្លឹប Fujieda MYFC៕