លោក ដូណាល់ ត្រាំ នឹងយករឿងមហាបាតុកម្មនៅហុងកុង ទៅនិយាយជាមួយលោក ស៊ី ជិនពីង

2019-06-17 04:00:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ នឹងលើកយករឿងមហាបាតុកម្មនៅហុងកុង ទៅជជែកពិភាក្សាជាមួយប្រធានាធិបតីចិនលោក ស៊ី ជិនពីង ក្នុងអំឡុងកិច្ចប្រជុំកំពូល G-20 ដែលធ្វើឡើងនៅប្រទេសជប៉ុន នាចុងខែមិថុនាខាងមុខ។ នេះបើតាមការបញ្ជាក់របស់លោក Mike Pompeo រដ្ឋមន្រ្តីការបរទេសអាមេរិក កាលពីថ្ងៃទី១៦ ខែមិថុនា ឆ្នាំ២០១៩។

រូបថត៖ AFP

លោក Pompeo បានលើកឡើងយ៉ាងដូច្នេះថា៖ «យើងកំពុងឃើញនូវអ្វីដែលកំពុងកើតមានឡើងនៅហុងកុង។ យើងកំពុងមើលប្រជាជនហុងកុងនិយាយចេញអំពីអ្វីដែលពួកគេបានវាយតម្លៃ»។

រូបថត៖ AFP

ជាមួយគ្នានោះ លោក Pompeo ក៏បានអះអាងដែរថា លោកប្រធានាធិបតីអាមេរិក គឺជាអ្នកការពារសិទ្ធិមនុស្សយ៉ាងស្វាហាប់។

ថ្លែងកាលពីសប្តាហ៍មុន លោក ដូណាល់ ត្រាំ បានបង្ហាញក្តីសង្ឃឹមថា បាតុករដែលប្រឆាំងនឹងសេចក្តីព្រាងច្បាប់បត្យាប័ន នឹងធ្វើការដោះស្រាយជាមួយរដ្ឋាភិបាលក្រុងប៉េកាំង៕

អត្ថបទទាក់ទង៖

ប្រភព៖ South China Morning Post ប្រែសម្រួល៖ សំភី