សម្តេច ហ៊ុន សែន ថាលោក គួច ចំរើន ជាមនុស្សខ្លាំងដែលអាចគ្រប់គ្រងខេត្តព្រះសីហនុបាន

2019-06-24 13:06:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បញ្ជាក់មូលហេតុដែលតែងតាំងលោក គួច ចំរើន ជាអភិបាលខេត្តព្រះសីហនុថា គឺដោយសារតែលោក គួច ចំរើន មានសមត្ថភាពខ្ពស់ និងបទពិសោធន៍ច្រើន ក្នុងការគ្រប់គ្រងទាំងកាលពេលនៅរាជធានីភ្នំពេញ និងខេត្តកំពង់ចាម។ សម្តេចថ្លែងដូច្នេះ គឺឆ្លើយតបទៅហ្នឹងសំណួររបស់អ្នកសារព័ត៌មានក្នុងអំឡុងប្រតិបត្តិការសង្គ្រោះជនរងគ្រោះក្នុងឧបទ្ទវហេតុបាក់រលំអគារនៅខេត្តព្រះសីហនុ នាយប់ថ្ងៃទី២៤ ខែមិថុនា ឆ្នាំ២០១៩។

សម្តេច ហ៊ុន សែន ថ្លែងនាពេលកន្លងមក

សម្តេចបានលើកឡើងយ៉ាងដូច្នេះថា៖ «**ខ្ញុំមើល comment ថ្ងៃហ្នឹង អ្នកកំពង់ចាមអត់ចង់ឱ្យ គួច ចំរើន ចេញពីកំពង់ចាមទេ។ ប៉ុន្តែដោយសារ គួច ចំរើន ខ្លាំងហ្នឹងហើយ បានជាយកមកដាក់នៅកន្លែងមួយ ដែលត្រូវការមនុស្សខ្លាំងដូច គួច ចំរើន។ គាត់ជាបញ្ញវន្តម្នាក់ ដែលគួរឱ្យគោរព ហើយក៏ចេះការងាររដ្ឋបាលខេត្ត។ អ៊ីចឹង បើសិនជាមនុស្សមិនខ្លាំងទេ ចាំបាច់ដក យន្ត មីន ទៅធ្វើអី ទុក យន្ត មីន នៅហ្នឹងហើយ។ យើងចង់យក គួច ចំរើន ដោយសារ គួច ចំរើន មានបទពិសោធន៍ ក្នុងការដឹកនាំនៅក្នុងទីក្រុងភ្នំពេញ។ ដូច្នេះបទពិសោធន៍នោះ គួបផ្សំនឹងការគ្រប់គ្រងខេត្ត ដែលមានទាំងតំបន់ជនបទ និងទីក្រុង គួច ចំរើន មានលទ្ធភាពអាចអភិវឌ្ឍខេត្តព្រះសីហនុបានល្អ**»។

លោក គួច ចំរើន

សូមរំលឹកថា លោក គួច ចំរើន បានកាន់តំណែងជាច្រើនដូចជា៖ អភិបាលរងខណ្ឌចំការមន (១៩៩៩-២០០៤) , អភិបាលខណ្ឌមានជ័យ(២០០៤-២០១៤), អភិបាលខណ្ឌដូនពេញ (២០១៤-២០១៦), អគ្គនាយករងរដ្ឋបាលក្រសួងមហាផ្ទៃ (២០១៦-២០១៧) និងអភិបាលខេត្តកំពង់ចាម (ខែមិថុនា ឆ្នាំ២០១៧-ខែមិថុនា ២០១៩)៕

អត្ថបទទាក់ទង៖

-លោក គួច ចំរើន មានប្រវត្តិតស៊ូយ៉ាងណាខ្លះ មុនក្លាយជាអភិបាលខេត្ត?

-លោក យន្ត មីន ត្រូវបានផ្ទេរមកក្រសួងមហាផ្ទៃ ខណៈតំណែងអភិបាលខេត្តព្រះសីហនុ បានទៅលើលោក គួច ចំរើន

អត្ថបទ៖ សំភី