ONE ផ្ដល់ប្រាក់រង្វាន់បន្ថែម ៥ម៉ឺនដុល្លារ ដល់កីឡាករ ២រូប ដែលលេចធ្លោជាងគេនៅជប៉ុន

2019-10-14 09:12:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Chatri Sityodtong ស្ថានិក និងជានាយកប្រតិបត្តិស្ថាប័ន ONE Championship បានប្រកាសឲ្យដឹងថាកីឡាករមីយ៉ាន់ម៉ា Aung La N Sang និងកីឡាការិនីសិង្ហបុរី Angela Lee បានទទួលប្រាក់រង្វាន់ ម្នាក់ ៥ម៉ឺនដុល្លារ បន្ថែមលើតម្លៃខ្លួន ដែលបានពីការប្រកួត ក្នុងព្រឹត្តិការណ៍ ONE: CENTURY កាលពីថ្ងៃទី១៣ តុលា នៅប្រទេសជប៉ុន។

លោក Chatri Sityodtong ថ្លែងក្នុងសន្និសីទកាសែត មុនព្រឹត្តិការណ៍ (រូបភាពផ្ដល់សិទ្ធិដោយ ONE Championship)

លោក Chatri បានបញ្ជាក់នៅលើគណនីហ្វេសប៊ុករបស់លោកថា មានកីឡាករជាច្រើន ដែលបានបង្ហាញចេញនូវការប្រកួតដ៏អស្ចារ្យក្នុងព្រឹត្តិការណ៍ទី ១០០ របស់ ONE Championship ប៉ុន្តែ Aung La និង Angela Lee លេចធ្លោជាងគេ សក្តិសមបំផុតក្នុងការទទួលបានប្រាក់បន្ថែម (performance bonus) ៥ម៉ឺនដុល្លារ។

Aung La N Sang ក្រោយឈ្នះ Brandon Vera (រូបភាពផ្ដល់សិទ្ធិដោយ ONE Championship)

Angela Lee លើកបង្ហាញខ្សែក្រវាត់ ក្រោយឈ្នះ Xiong Jing Nan (រូបភាពផ្ដល់សិទ្ធិដោយ ONE Championship)

សូមបញ្ជាក់ថា Aung La N Sang បានការពារខ្សែក្រវាត់ ONE Light Heavyweight World Champion របស់ខ្លួនបានសម្រេច ក្រោយផ្ដួលម្ចាស់ខ្សែក្រវាត់ទម្ងន់ធ្ងន់ សញ្ជាតិហ្វីលីពីន Brandon Vera ក្នុងទឹកទី២។ ចំណែក Angela Lee ក៏បានការពារខ្សែក្រវាត់ ONE Women’s Atomweight World Champion របស់ខ្លួនបានផងដែរ បន្ទាប់ពីឃ្លេកីឡាការិនីចិន Xiong Jing Nan ឲ្យចុះចាញ់ក្នុងទឹកទី៥៕

អត្ថបទទាក់ទង៖

អត្ថបទ៖ ឈិន មិថុនា