ប្រទេសតួកគី ត្រូវបាន​រងការចោទថា​ បានលូក​ដៃចូល​ក្នុងសង្គ្រាម​រវាងប្រទេស​អាមេនី និង​ប្រទេស​អាហ្ស៊ែបៃហ្សង់ ទៅលើតំបន់ជម្លោះ Nagorno-Karabakh។

** ទាញយក App Kley Kley នៅលើ Android និង iOS ដើម្បី​ទទួលបាន​ព័ត៌មាន​លឿនរហ័ស **

​ក្រសួង​ការពារជាតិ​អាមេនី កាលពីថ្ងៃទី២៩ ខែកញ្ញា ឆ្នាំ​២០២០ បាន​ចោទតួកគីថា បានចូលរួមពាក់ព័ន្ធដោយផ្ទាល់​ក្នុងសង្គ្រាមនេះ ដោយចូលដៃជើងជាមួយអាហ្សែ៊បៃហ្សង់។

ក្រសួង​នេះ​បន្តថា យន្តហោះចម្បាំង Sukhoi S-25 របស់ខ្លួនមួយគ្រឿង ត្រូវបាន​បាញ់ទម្លាក់​ដោយ​យន្តហោះ​ចម្បាំង F-16 របស់​តួកគី ក្នុងដែនអាកាស​អាមេនី។

​យ៉ាងណាមិញ តួកគី​បានច្រានចោលការចោទប្រកាន់នេះ។ ក្រសួងការពារជាតិតួកគី បាន​ចេញ​សេចក្តីថ្លែងការណ៍បញ្ជាក់​ថា ការ​ចោទប្រកាន់នេះ គឺក្នុងគោលបំណង​ប្រមូលផ្តុំការគាំទ្រឱ្យអាមេនីតែប៉ុណ្ណោះ។

តួកគីបន្តថា ការប្រយុទ្ធគ្នាប៉ុន្មាន​ថ្ងៃមកនេះ វាបាន​បង្ហាញ​ដល់ពិភពលោកច្បាស់ហើយថា អាហ្ស៊ែបៃហ្សង់ មាន​សមត្ថភាព​ទទួលជ័យជម្នះដោយខ្លួនឯង ដោយអាចរំដោះ និងគ្រប់គ្រង​តំបន់ Nagorno-Karabakh នេះបាន៕

ចុចអាន៖ ប្រៀបធៀបសព្វាវុធរវាង​ប្រទេស​អាមេនី និងអាហ្ស៊ែបៃហ្សង់ ដែលកំពុងផ្ទុះសង្គ្រាមនឹងគ្នា