របៀបលេងពាន Super League ថ្មីដូចមកជំនួសនិងសម្លាប់ Champions League

2021-04-19 03:55:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ពានរង្វាន់ European Super League ឆ្នាំដំបូងនេះគ្រោងនឹងធ្វើឡើងនៅខែសីហាឆ្នាំ ២០២១ ឬឆ្នាំ ២០២២ ខាងមុខឆាប់ៗ។ ពាននេះប្រកួតតែអំឡុងពាក់កណ្ដាលសប្ដាហ៍។ ពាននេះនឹងមាន ២០ ក្លឹបចូលរួមចែកជាពីរពូល ហើយលេងតាមរបៀប Home-Away សន្សំពិន្ទុ។

ក្នុងនោះក្លឹបចំនួនបីនៅកំពូលតារាងក្នុងពូល នឹងមានឈ្មោះស្វ័យប្រវត្តិឡើងទៅវគ្គបន្ត[វគ្គ ៨ ក្រុមចុងក្រោយ] ។ ចំណែកឯក្លឹបទីបួន និងទីប្រាំក្នុងពូលត្រូវលេង Play-Off ចំនួនពីរជើង។ អំឡុងខែឧសភា ត្រូវជ្រើសយកជាកាលបរិឆ្ឆេទវគ្គផ្ដាច់ព្រ័ត្រ ស្វែងរកជើងឯក។

និមិត្តសញ្ញាពាន Super League

សម្រាប់ប្រាក់រង្វាន់តាមពូលក៏ដូចជាជើងឯកនៃពានរង្វាន់ថ្មីមួយនេះ មិនត្រូវបានប្រភពបញ្ជាក់ឲ្យដឹងនោះទេ តែគេដឹងថាប្រាកដជាច្រើនជាងគុណនឹង ៣ ឬ ៤ ដងឯណោះ ខណៈដែលប្រាក់រង្វាន់ជើងឯក UCL រាល់ឆ្នាំទទួលបានក្នុងរង្វង់ ១១០ ដល់ ១២០ លានដុល្លារ។

សរុបមកពានរង្វាន់ថ្មីនេះហាក់ដូចជាមកជំនួសនិងបំបាត់ Champions League ទាំងស្រុងដោយហេតុថា ក្លឹបតូចៗនៅតាមបណ្ដាប្រទេសផ្សេងៗដែលមិនធូរធារ គ្មានឳកាសបានប្រកួតជាមួយក្លឹបធំៗចម្រុះដូចពាន Champions League និង Europa League ជាដើម។

ជម្រាបជូនផងដែរថា នេះជាពានឯកជនមិនស្ថិតក្រោមការគ្រប់គ្រងរបស់ UEFA នោះទេ។ ដូច្នេះការសម្រេចថានឹងប្រកួតប្រជែងគ្នាយ៉ាងម៉េចនោះ កំពុងពិភាក្សារកដំណោះស្រាយជាមួយ UEFA ដើម្បីអាចឲ្យពាន Super League ចេញជារូបរាងឡើងជាផ្លូវការដោយរលូន ។ លើសពីនេះទៀត បើជោគជ័យក្នុងពានផ្នែកបុរសនេះ ប្រធានលីគនេះនឹងបង្កើតលីគនារីបន្ថែមទៀត សូមរង់ចាំតាមដានភាគបន្ត៕

អត្ថបទបន្ថែម៖ បានលុយរាប់លានដុល្លារគ្រាន់តែឆ្លើយ«អូខេ» ចូលលេង European Super League

ប្រភព៖ Real Madrid ប្រែសម្រួល៖ រក្សា