បានលុយរាប់លានដុល្លារគ្រាន់តែឆ្លើយ«អូខេ» ចូលលេង European Super League

2021-04-19 02:18:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្មវិធីប្រកួតបាល់ទាត់ថ្មីមួយឈ្មោះថា European Super League ត្រូវបានសារព័ត៌មានកីឡាអន្តរជាតិចុះផ្សាយព្រមៗគ្នាថា ពានរង្វាន់នេះលេចរូបរាងឡើងហើយមានក្លឹបចំនួន ១២ មកពីលីគកំពូលតែ ៣ ប្រទេសប៉ុណ្ណោះនោះគឺ អេស្ប៉ាញ អង់គ្លេស និងអ៊ីតាលី។ សម្រាប់អាឡឺម៉ង និងបារាំង គ្មានឈ្មោះទេ។

យោងតាមប្រភពព័ត៌មានបានឲ្យដឹងថា លោក Florentino Perez បច្ចុប្បន្នកាន់តំណែងជាប្រធានក្លឹប Real Madrid គឺជាអ្នកផ្ដួចផ្ដើមបង្កើតពានរង្វាន់ខាងលើនេះឡើងហើយក៏ជាប្រធានមួយរូបដែរ ជាមួយនឹងសមាជិកក្លឹបដទៃទៀតដូចជា៖ Barcelona, Atletico Madrid(អេស្ប៉ាញ), AC Milan, Inter, Juventus(អ៊ីតាលី), Liverpool, Manchester City, Manchester United, Spurs , Arsenal, និង Chelsea (អង់គ្លេស)។ គ្រាន់តែក្លឹបទាំង ១២ យល់ព្រមថានឹងចូលរួមពួកគេទទួលបានទឹកប្រាក់ច្រើនជាង ៤២៥ លានដុល្លារបាត់ហើយ។

ក្លឹបទាំង ១២

ស្របពេលជាមួយគ្នានេះដែរ UEFA បានព្រមានក្លឹបទាំងនោះមិនឲ្យចូលរួមប្រកួតពាន UEFA(Champions League និង Europa league) នៅរដូវកាលក្រោយ ចំណែកឯ កីឡាករអាចនឹងត្រូវដកឈ្មោះមិនអាចលេងតំណាងឲ្យជម្រើសជាតិ។ លើសពីនេះទៀត អ្នកគាំទ្របាល់ទាត់ព្រមទាំងពិធីករកីឡាល្បីៗក៏សម្ដែងការមិនពេញចិត្តលើកម្មវិធីបាល់ទាត់អ្នកមានមួយនេះដោយលើកឡើងហេតុផលស្រដៀងគ្នាៗថា «កម្មវិធីដើម្បីតែលុយ» ។

សម្រាប់របៀបវារៈនៃការប្រព្រឹត្តិឡើង និងកាលបរិច្ឆេទច្បាស់ជាងនេះ [ខ្លីៗ] នឹងលម្អិតនៅអត្ថបទក្រោយ៕