ស្ថានទូតចិនប្រចាំកម្ពុជា បាន​បង្ហោះ​នៅលើទំព័រហ្វេសប៊ុកនៅថ្ងៃទី៣ មិថុនា ២០២១ ថា ពេល​បញ្ចប់​គម្រោងសង់ផ្លូវល្បឿនលឿនភ្នំពេញ-ព្រះសីហនុ គឺចំណាយពេលប្រហែល ២ម៉ោងប៉ុណ្ណោះ សម្រាប់ការធ្វើដំណើរពី​រាជធានីភ្នំពេញ ទៅកាន់ខេត្តព្រះសីហនុ។

ស្ថានទូត​បន្តថា៖ «នេះនឹងជួយកម្ពុជាបញ្ចប់ប្រវត្តិសាស្ត្រដែលមិនមានផ្លូវល្បឿនលឿន នឹងអាចដើរតួនាទីយ៉ាងសំខាន់សម្រាប់ការអភិវឌ្ឍសង្គមនិងសេដ្ឋកិច្ចក្នុងប្រទេសកម្ពុជា»។

រហូតមកដល់បច្ចុប្បន្ននេះ គម្រោងខាងលើសម្រេចបាន៥១,៣៥% គ្រោងបញ្ចប់និងដាក់ឱ្យប្រើប្រាស់នាខែកញ្ញា ឆ្នាំ២០២២។ ពិធីបើកការដ្ឋានសាងសង់គម្រោងផ្លូវល្បឿនលឿនភ្នំពេញ-ក្រុងព្រះសីហនុត្រូវបានរៀបចំឡើងកាលពីថ្ងៃទី២២ ខែមីនា ឆ្នាំ២០១៩ ដែលមានប្រវែងសរុបជាង១៩០គីឡូម៉ែត ជាប្រភេទផ្លូវល្បឿនលឿនហាយវេ ចែកចេញជាបួនគន្លង សរុបទឹកប្រាក់វិនិយោគជាង២.០១៩ពាន់លានដុល្លារអាមេរិក គឺជាគម្រោងក្រោមរូបភាពសាងសង់-ដំណើរការ-ផ្ទេរ (BOT)៕