ថ្ងៃនេះ ប្រធានាធិបតីកូរ៉េខាងត្បូង ជួបពិភាក្សាជាមួយលោកត្រាំ ក្នុងគោលបំណងមួយ

2018-05-22 02:14:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីកូរ៉េខាងត្បូង លោកម៉ូន ចេអ៊ីន បានទៅដល់ទីក្រុងវ៉ាស៊ីនតោន សហរដ្ឋអាមេរិក កាលពីថ្ងៃចន្ទម្សិលមិញ ដើម្បីទៅជួបពិភាក្សាជាមួយនឹងប្រធានាធិបតីអាមេរិក លោកដូណាល់ ត្រាំ នៅថ្ងៃទី២២ ឧសភានេះ។ នេះបើតាមការបញ្ជាក់របស់មន្ត្រីការិយាល័យប្រធានាធិបតីរបស់ក្រុងសេអ៊ូល លោក Cheong Wa Dae។

លោក ត្រាំ ជួបដៃជាមួយលោក គីម ក្នុងជំនួបនាពេលកន្លងមក

ក្នុងជំនួបដែលនឹងត្រូវចាប់ផ្ដើមនាថ្ងៃអង្គារនេះ មេដឹកនាំទាំង ២ នឹងពិភាក្សាអំពីយុទ្ធសាស្ត្រផ្សេងៗ សម្រាប់ជំនួបកំពូលរវាងលោកត្រាំ និងមេដឹកនាំកូរ៉េខាងជើង លោក គីម ជុងអ៊ុន ។

ជាមួយគ្នានេះដែរ លោក ម៉ូន ចេអ៊ីន ទំនងជាចែករំលែកបទពិសោធន៍ជាមួយលោកត្រាំ សម្រាប់ទប់ទល់នឹងមេដឹកនាំកូរ៉េខាងជើង និងធ្វើជាស្ពានសម្រាប់ជំនួបរវាងលោកត្រាំ និងគីម ដែលរំពឹងថា នឹងត្រូវធ្វើឡើងនា ថ្ងៃទី១២ មិថុនា នៅឯប្រទេសសិង្ហបុរីផងដែរ។

គួររម្លឹកថា កាលពីថ្ងៃទី១៦ ខែឧសភា ២០១៨ ក្រុងព្យុងយ៉ាង បានប្រកាសលុបចោលជំនួបចរចាកម្រិតខ្ពស់រវាងប្រទេសកូរ៉េទាំងពីរ ដោយសារការធ្វើសមយុទ្ធរួមគ្នា កំពុងត្រូវបានធ្វើឡើងដោយកងទ័ពអាកាសកូរ៉េខាងត្បូង និងអាមេរិក។ ជាមួយគ្នានេះដែរ កូរ៉េខាងជើង ក៏បានរិះគន់សហរដ្ឋអាមេរិកផងដែរ ដោយបានលើកឡើងថា "សហរដ្ឋអាមេរិក គួរតែគិតសាជាថ្មីពីជោគវាសនានៃជំនួបកំពូលរវាងអាមេរិក និងកូរ៉េខាងជើង"៕

ប្រភព៖ Yonhapnews ប្រែសម្រួល៖ អឹុម ម៉េងស៊ាង