ជើងហោះហើរត្រង់ ភ្នំពេញ-ម៉ានីល ផ្ដើមដំណើរការនៅដើមខែមេសា ឆ្នាំ២០១៩
- 2019-01-10 03:39:02
- ចំនួនមតិ 0 | ចំនួនចែករំលែក 0
ជើងហោះហើរត្រង់ ភ្នំពេញ-ម៉ានីល ផ្ដើមដំណើរការនៅដើមខែមេសា ឆ្នាំ២០១៩
ចន្លោះមិនឃើញ
ជើងហោះហើរត្រង់ ភ្នំពេញ-ម៉ានីល នឹងត្រូវដំណើរការជាផ្លូវការ ចាប់ពីថ្ងៃទី១ ខែមេសា ឆ្នាំ២០១៩ តទៅ។ នេះបើយោងតាមការចុះផ្សាយរបស់សារព័ត៌មាន Rappler ដែលដកស្រង់សម្ដីប្រធានក្រុមហ៊ុនអាកាសចរណ៍ហ្វីលីពីន (PAL) លោក Jaime Bautista ក្នុងសន្និសិទសារព័ត៌មានមួយ កាលពីថ្ងៃទី៨ ខែមករា ឆ្នាំ២០១៩។
លោក Bautista បានថ្លែងថា ក្រុមហ៊ុនអាកាសចរណ៍ហ្វីលីពីន នឹងដាក់ដំណើរការជើងហោះហើរត្រង់ពីក្រុងម៉ានីល មករាជធានីភ្នំពេញ និងទៅក្រុងហាណូយ នៃប្រទេសវៀតណាម។
លោកបន្តថា សម្រាប់ជើងហោះហើរ ភ្នំពេញ-ម៉ានីស ក្រុមហ៊ុនគ្រោងប្រើប្រាស់យន្តហោះប្រភេទ Airbus A320 ដែលអាចផ្ទុកអ្នកដំណើរ ១៥៦នាក់ និង Airbus A321 ដែលផ្ទុកអ្នកដំណើរបាន ១៩៩នាក់។
ប្រធានក្រុមហ៊ុនអាកាសចរណ៍ហ្វីលីពីនបន្ថែមថា ក្នុង១សប្ដាហ៍ នឹងមានជើងហោះហើរចំនួន ៥ជើង ពោលគឺ ថ្ងៃចន្ទ អង្គារ ព្រហស្បតិ៍ សុក្រ និង សៅរ៍។
ក្រៅពី ភ្នំពេញ និងហាណូយ លោកបញ្ជាក់ថា ក្រុមហ៊ុនគ្រោងបើកដំណើរការឡើងវិញ ជើងហោះហើរទៅក្រុងញូដេលី ប្រទេសឥណ្ឌាផងដែរ បន្ទាប់ពីបានផ្អាកដំណើរការកាលពីឆ្នាំ២០១៣៕