សម្តេច ហ៊ុន សែន ប្រកាសឲ្យប្រជាពលរដ្ឋជិះឡានក្រុង Free ទៅខេត្ត៧ ចាប់ពីមុនដល់ក្រោយចូលឆ្នាំ

2018-04-01 04:06:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានប្រកាសថា ចាប់ពីថ្ងៃទី១២ ខែមេសា ដល់ថ្ងៃទី ១៨ ខែមេសា ឆ្នាំ២០១៨ ប្រជាពលរដ្ឋអាចជិះរថយន្តក្រុងដោយមិនបង់លុយ (FREE) ពីរាជធានីភ្នំពេញទៅតាមបណ្តាខេត្តតាមផ្លូវជាតិលេខ៥ (កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ) និងផ្លូវជាតិលេខ ១ (កណ្តាល ព្រៃវែង ស្វាយរៀង)។ ការប្រកាសនេះ ធ្វើឡើងក្នុងពិធីជួបសំណេះសំណាលជាមួយគ្រូបង្រៀន នៅព្រឹកថ្ងៃទី១ ខែមេសា ឆ្នាំ២០១៨ នៅកោះពេជ្រ។

សម្តេច ហ៊ុន សែន ថ្លែងនាពេលកន្លងមក

សម្តេច ហ៊ុន សែន បញ្ជាក់ថា សាលារាជធានីភ្នំពេញ បានត្រៀមរថយន្តក្រុងដែលមានផ្លាកសញ្ញា “រាជធានីភ្នំពេញ” ចំនួន ៦០គ្រឿង ដើម្បីជួយសម្រួលដល់ការធ្វើដំណើររបស់ប្រជាពលរដ្ឋនៅក្នុងឱកាសបុណ្យចូលឆ្នាំថ្មីប្រពៃណីជាតិខ្មែរខាងមុខនេះ។

សូមរម្លឹកថា កាលពីថ្ងៃទី២៨ ខែមីនា ឆ្នាំ២០១៨ សម្តេច ហ៊ុន សែន ក៏បានប្រកាសឲ្យប្រជាពលរដ្ឋជិះរថយន្តក្រុងនៅក្នុងរាជធានីភ្នំពេញដោយឥតគិតថ្លៃរយៈពេល ៣ថ្ងៃក្នុងពិធីបុណ្យខ្មែរគឺថ្ងៃទី១៤ ១៥ និង ១៦ ខែមេសា ឆ្នាំ២០១៨ផងដែរ៕