លោក Duterte ផ្លាស់ប្ដូរមេទ័ព និងមេប៉ូលិសថ្មី កាលពីម្សិលមិញ
- 2018-04-06 03:03:58
- ចំនួនមតិ 0 | ចំនួនចែករំលែក 0
លោក Duterte ផ្លាស់ប្ដូរមេទ័ព និងមេប៉ូលិសថ្មី កាលពីម្សិលមិញ
ចន្លោះមិនឃើញ
ប្រធានាធិបតីហ្វីលីពីន Rodrigo Duterte កាលពីថ្ងៃទី៥ ខែមេសា ២០១៨ ម្សិលមិញ បានសម្រេចតែងតាំងអគ្គស្នងការនគរបាលជាតិថ្មី ប្រធានអគ្គសេនាធិការកងទ័ពថ្មី និងរដ្ឋមន្ត្រីក្រសួងយុត្តិធម៌ថ្មី។ ការសម្រេចតែងតាំងនេះ ត្រូវបានប្រកាសដោយលោក Harry Roque អ្នកនាំពាក្យប្រធានាធិបតីហ្វីលីពីន នៅឯវិមានប្រធានាធិបតីហ្វីលីពីន។
ក្នុងនោះ លោក Duterte បានតែងតាំងនាយឧត្តមសេនីយ៍ Oscar Albayalbe ជាអគ្គស្នងការនគរបាលជាតិថ្មី របស់ប្រទេសហ្វីលីពីន ជំនួសនាយឧត្ដមសេនីយ៍ Ronald Bato dela Rosa។
ចំណែកប្រធានអគ្គសេនាធិការកងទ័ព លោក Duterte បានតែងតាំងនាយឧត្ដមសេនីយ៍ Carlito Galvez Jr ជាប្រធានអគ្គសេនាធិការថ្មី ជំនួសនាយឧត្ដមសេនីយ៍ Rey Leonardo Guerrero ដែលនឹងចូលនិវត្តន៍ នៅខែមេសា ខាងមុខ។
ចុងក្រោយលោក Duterte បានតែងតាំងលោក Menardo Guevarra ជារដ្ឋមន្រ្តីក្រសួងយុត្តិធម៌ថ្មី ជំនួសលោក Vitaliano Aguirre ដែលបានលាលែងតំណែង៕