ប្រធានាធិបតីហ្វីលីពីន ពុំមានបញ្ហាសុខភាព ដូចពាក្យចចាមអារ៉ាមនោះទេ
- 2017-06-27 06:36:17
- ចំនួនមតិ 0 | ចំនួនចែករំលែក 0
ប្រធានាធិបតីហ្វីលីពីន ពុំមានបញ្ហាសុខភាព ដូចពាក្យចចាមអារ៉ាមនោះទេ
ចន្លោះមិនឃើញ
រដ្ឋាភិបាលហ្វីលីពីន នៅថ្ងៃទី២៧ មិថុនានេះ បានចេញមកបញ្ជាក់ថា ប្រធានាធិបតី Rodrigo Duterte នៅមានស្ថានភាពសុខភាពល្អ មិនដូចនឹងពាក្យចចាមអារ៉ាមដែលបានលើកឡើងបង្ហាញពីការព្រួយបារម្ភចំពោះការបាត់មុខជាសាធារណៈរយៈពេលយូររបស់លោក នៅក្នុងខែមិថុនានេះទេ។
ការលេចឡើងនៅពាក្យចចាមអារ៉ាមថា លោក Duterte មានស្ថានភាពសុខភាពធ្លាក់ចុះនេះ គឺក្រោយប្រធានាធិបតីរូបនេះ បានបាត់មុខជាសាធារណៈចាប់តាំងពីសប្ដាហ៍មុន មកម្ល៉េះ។
ឆ្លើយតបបញ្ជាក់នឹងបញ្ហានេះ អ្នកនាំពាក្យប្រធានាធិបតីហ្វីលីពីនបានចេញមកបកស្រាយថា លោក Duterte នៅមានសុខភាពល្អទេ ហើយគាត់កំពុងរវល់នៅការងារ ដែលគាត់ត្រូវនឹងធ្វើ។ អ្នកនាំពាក្យរូបនោះ បន្ថែមថា ពីមុន យើងឧស្សាហ៍ឃើញគាត់បង្ហាញមុខជាសាធារណៈ ប៉ុន្តែពេលនេះ គាត់ពុំបានបង្ហាញមុខជាសាធារណៈទេ ដោយសារគាត់ធ្វើការនៅក្នុងការិយាល័យ គាត់ចុះហត្ថលេខា ពិនិត្យឯកសារ ពិគ្រោះយោបល់ ហើយគាត់ពិតជារវល់ខ្លាំង។
សូមបញ្ជាក់ថា ប្រធានាធិបតីហ្វីលីពីន លោក Rodrigo Duterte បានឈប់បង្ហាញខ្លួនជាសាធារណៈចាប់តាំងពីថ្ងៃទី២០ មិថុនា ២០១៧ មកម្ល៉េះ៕