Duterte៖ អ្នកហ៊ានតដៃនៅពេលចាប់ខ្លួន ប៉ូលិសអាចសម្លាប់បាន

2017-08-28 07:38:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោក Rodrigo Duterte បានបញ្ជាក់ថា ប៉ូលិសហ្វីលីពីនអាចសម្លាប់អ្នកណាក៏បាន ឲ្យតែហ៊ានតដៃដោយហិង្សា នៅក្នុងពេលចាប់ខ្លួន។ ការបញ្ជាក់របស់ប្រធានាធិបតីហ្វីលីពីន បានធ្វើឡើងកាលពីថ្ងៃទី២៧ សីហា ម្សិលមិញ ក្នុងពេលជួបជាមួយឪពុកម្ដាយរបស់យុវជនមួយរូប ដែលបានស្លាប់ក្នុងការប្រឆាំងនឹងយុទ្ធនាការគ្រឿងញៀនរបស់ប្រធានាធិបតីហ្វីលីពីន។

លោក Duterte បានប្រាប់ប៉ូលិសថា "កាតព្វកិច្ចរបស់អ្នក គឺអ្នកត្រូវបង្ក្រាបការតដៃរបស់ជនសង្ស័យដែលអ្នកកំពុងចាប់ខ្លួន ហើយប្រសិនបើពួកគេតដៃដោយហិង្សា អ្នកអាចសម្លាប់ពួកគេបាន នេះគឺជាបញ្ជារបស់ខ្ញុំ"។

សូមបញ្ជាក់ថា ការប្រកាសរបស់ប្រធានាធិបតីហ្វីលីពីនដូច្នេះ គឺក្រោយការស្លាប់របស់យុវជន វ័យ ១៧ឆ្នាំ Kian Loyd delos Santos ក្នុងប្រតិបត្តិការបង្ក្រាបគ្រឿងញៀនរបស់ប៉ូលិសហ្វីលីពីន ដែលបង្កឲ្យមានមនុស្សរាប់ពាន់នាក់ បានចូលរួមបុណ្យសពយុវជននោះ នៅក្រុងម៉ានីល៕