អ្នកនាំពាក្យ៖ សម្តេចក្រុមព្រះ នឹងឆាប់យាងមកដឹកនាំគណបក្សហ៊្វុនស៊ិនប៉ិចវិញ

2018-06-20 07:21:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ញ៉េប ប៊ុនជិន អ្នកនាំពាក្យគណបក្សហ៊្វុនស៊ិនប៉ិច បានបញ្ជាក់ថា ស្ថានភាពរបស់សម្តេចក្រុមព្រះ នរោត្តម រណឫទ្ធិ មានការធូរស្បើយជាងមុន ហើយសម្តេចនឹងឆាប់យាងត្រឡប់មកដឹកនាំគណបក្សវិញ។ លោកថ្លែងដូច្នេះទៅកាន់អ្នកសារព័ត៌មាន នៅកន្លែងបូជាសពអ្នកម្នាង អ៊ុក ផល្លា មុខវត្តបុទុមវតី កាលពីព្រឹកថ្ងៃទី២០ ខែមិថុនា ឆ្នាំ២០១៨។

លោក ញ៉េប ប៊ុនជិន ថ្លែងនាពេលកន្លងមក

លោកបាននិយាយយ៉ាងដូច្នេះថា៖ «**ស្ថានភាពសម្តេចក្រុមព្រះ ការពារដោយសុវត្ថិភាពទាំងសន្តិសុខ ទាំងវេជ្ជបណ្ឌិត។ សូមប្រជាពលរដ្ឋទាំងអស់ទូទាំងប្រទេសជា្របជាព័ត៌មានថា សម្តេចក្រុមព្រះអត់មានបញ្ហាអីធំដុំទេ លោកនៅតែមានសភាពក្លាហាន ហើយលោកនឹងឆាប់យាងត្រឡប់មកដឹកនាំគណបក្សហ៊្វុនស៊ិនប៉ិចវិញទេ សូមបងប្អូនអ្នកគាំទ្រកុំមានភាពតក់ស្លុត**»។

សូមជម្រាបថា ក្រោយជួបគ្រោះថ្នាក់ចរាចរណ៍ នៅខេត្តព្រះសីហនុ កាលពីព្រឹកថ្ងៃទី១៧ ខែមិថុនា ឆ្នាំ២០១៨ សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច ត្រូវបានបញ្ជូនទៅព្យាបាលនៅប្រទេសថៃ ដោយព្រះអង្គបានរបួសបាក់ឆ្អឹងដងកាំបិត ស្រាំឆ្អឹងជំនី និងបាក់ជើងខាងឆ្វេង៕