សម្ដេចក្រុមព្រះ មិនទាន់ដឹងពីមរណភាពរបស់អ្នកម្នាង អ៊ុក ផល្លា នៅឡើយទេ

2018-06-19 10:09:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ត្រីជាន់ខ្ពស់គណបក្សហ៊្វុនស៊ិនប៉ិិច បានបញ្ជាក់ប្រាប់ខ្លីៗ នៅថ្ងៃទី១៩ ខែមិថុនានេះថា សម្តេចក្រុមព្រះ នរោត្តម រណឫទ្ធិ នៅមិនទាន់បានដឹងពីមរណភាពរបស់អ្នកម្នាង អ៊ុក ផល្លា នៅឡើយទេ។

មន្រ្ដីដដែលបានបញ្ជាក់ថា ស្ថានភាពព្រះរាជសុខភាពរបស់សម្ដេចក្រុមព្រះ បានធូរស្បើយបន្តិចហើយ។ ព្រះរាជបុត្រ (ព្រះរាជបុត្ររបស់សម្ដេចក្រុមព្រះ និងម្ចាស់ក្សត្រីម៉ារី) ជាអ្នកមើលថែ ដោយមិនអនុញ្ញាតិឲ្យមានការសួរសុខទុក្ខពីមន្រ្ដីណាម្នាក់នោះទេ។

សូមបញ្ជាក់ថា សម្តេចក្រុមព្រះ នរោត្តម រណឫទ្ធិ ត្រូវបានបញ្ជូនទៅព្យាបាលនៅប្រទេសថៃ កាលពីម៉ោង១រំលងអាធ្រាត ឈានចូលថ្ងៃទី១៨ ខែមិថុនា។ លោកយូ ហុកគ្រី អនុប្រធានគណបក្សហ៊្វុនស៊ិនប៉ិច បានបញ្ជាក់ថា ស្ថានភាពជំងឺរបស់សម្តេចក្រុមព្រះ គឺធ្ងន់ធ្ងរប៉ះពាល់ដល់ឆ្អឹង ដោយព្រះអង្គបានរបួសបាក់ឆ្អឹងដងកាំបិត ស្រាំឆ្អឹងជំនី និងបាក់ជើងខាងឆ្វេង។

ចំណែកសពអ្នកម្នាង អ៊ុក ផល្លា គ្រោងនឹងបូជា នៅព្រឹកថ្ងៃទី២០ ខែមិថុនា ស្អែកនេះ៕

ចុចអាន៖ ព័ត៌មានបន្ថែមទាក់ទងការស្លាប់អ្នកម្នាង អ៊ុក ផល្លា និងស្ថានភាពរបួសរបស់សម្ដេចក្រុមព្រះ

អត្ថបទ៖ សុខ សុវត្ថិ