២ថ្ងៃដំបូង មានអ្នកចុះឈ្មោះបោះឆ្នោតថ្មី ជាង ១ម៉ឺននាក់

2018-10-03 06:43:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រយៈពេល ២ថ្ងៃដំបូង ពោលគឺគិតត្រឹមម៉ោង ៦ល្ងាច ថ្ងៃទី២ ខែតុលា ឆ្នាំ២០១៨ មានចំនួនអ្នកចុះឈ្មោះបោះឆ្នោតថ្មី ១០ ២៦១នាក់ ដែលស្មើនឹងជាង ២% នៃចំនួនប្រជាពលរដ្ឋត្រូវចុះឈ្មោះថ្មីឆ្នាំនេះ។ ក្នុងនោះ ថ្ងៃទី១ ខែតុលា មានអ្នកចុះឈ្មោះបោះឆ្នោតថ្មីជិត ៤ពាន់នាក់ និងថ្ងៃទី២ តុលា មានអ្នកចុះឈ្មោះថ្មី ជាង ៦ពាន់នាក់។

ប្រជាពលរដ្ឋ ទៅចុះឈ្មោះបោះឆ្នោត កាលពីឆ្នាំ២០១៧

លោក ឌឹម សុវណ្ណារុំ សមាជិក និងជាអ្នកនាំពាក្យ គ.ជ.ប បានស្នើឲ្យប្រជាពលរដ្ឋដែលមិនទាន់ចុះឈ្មោះបោះឆ្នោត រួសរាន់ទៅចុះឈ្មោះនៅតាមឃុំ សង្កាត់របស់ខ្លួន ព្រោះនៅសល់ពេលតែ ១៥ថ្ងៃទៀតទេ។ លោកបន្ថែមថា ប្រជាពលរដ្ឋដែលមានឈ្មោះក្នុងបញ្ជីបោះឆ្នោតឆ្នាំ២០១៧ អាចពិនិត្យមេីលទិន្នន័យតាមរយៈវិបសាយ **www.voterlist.org.kh** ឬទាញយក app **Voterlist KH** ដាក់ក្នុងទូរស័ព្ទដៃក៏បាន ហេីយប្រសិនបេីឃេីញមានកំហុសឆ្គង សូមស្នេីសុំកែតម្រូវ។

លោក ឌឹម សុវណ្ណារុំ ថ្លែងទៅកាន់អ្នកសារព័ត៌មាន នាពេលកន្លងមក

សូមបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០១៨ ចាប់ផ្ដើមកាលពីថ្ងៃទី១ ខែតុលា និងបញ្ចប់នៅថ្ងៃទី១៨ ខែតុលា ឆ្នាំ២០១៨។ តាមផែនការ ចំនួនប្រជាពលរដ្ឋ ដែលត្រូវចុះឈ្មោះបោះឆ្នោតថ្មី គឺមានជិត ៤៩ម៉ឺននាក់ ខណៈចំនួនប្រជាពលរដ្ឋ ក្នុងបញ្ជីបោះឆ្នោត ឆ្នាំ២០១៧ គឺមានជាង ៨,៣លាននាក់៕

ចុចអានអត្ថបទផ្សេងទៀត៖

អត្ថបទ៖ សុខ សុវត្ថិ