ដឹងអត់! អគារទីស្ដីការថ្មីរបស់ គ.ជ.ប មានតម្លៃប៉ុន្មាន?

2017-07-07 04:18:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគារទីស្ដីការថ្មីរបស់គណៈកម្មាធិការជាតិរៀបចំការបោះឆ្នោត (គ.ជ.ប) ដែលមានកម្ពស់ ១៥ជាន់ តម្លៃជាង ១២លានដុល្លារ បានសាងសង់រួចរាល់ជាស្ថាពរហើយ ដែលនឹងត្រូវសូត្រមន្តឡើងអគារថ្មី នៅរសៀលថ្ងៃទី០៧ ខែកក្កដា ២០១៧នេះ។ អគារ គ.ជ.ប ថ្មី មានទីតាំងស្ថិតនៅស្ថិតនៅដីឡូត៍លេខ១ វិថីរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ ទល់មុខពុទ្ធសាសនបណ្ឌិត្យ និងវិមានរដ្ឋសភា។

អគារ គ.ជ.ប ថ្មី ត្រូវបានសាងសង់ចាប់តាំងពីចុងឆ្នាំ២០១២ ហើយត្រូវបញ្ចប់នៅក្នុងខែកក្កដា ឆ្នាំ២០១៧នេះ។ ការសាងសង់អគារនេះ គ.ជ.ប ប្រគល់ឲ្យក្រុមហ៊ុន តានស្រ៊ីឆិន អ៊ីន (TanSriChen Inc) និងត្រូវចំណាយថវិកា អស់ប្រមាណជាង ១២លានដុល្លារ។ អគារ គ.ជ.ប ដែលមានទំហំ ៣០ម៉ែត្រ គុណនឹង ៤៥ម៉ែត្រ និងមានកម្ពស់ ១៦ជាន់ ប្រកបដោយលក្ខណៈបច្ចេកទេសទំនើប មានបំពាក់គ្រឿងសង្ហារិម ម៉ាស៊ីនត្រជាក់ ប្រព័ន្ធព័ត៌មានវិទ្យា សម្រាប់មជ្ឈមណ្ឌលកុំព្យូទ័រ ប្រព័ន្ធសំឡេងសម្រាប់សាលសន្និសីទ និងសាលប្រជុំសំខាន់ៗផ្សេងៗទៀត។

ចំណែកផ្ទៃដីមួយផ្នែក ដែលនៅសល់ មានទំហំ ៧ ៧៦៦ម៉ែត្រក្រឡា ត្រូវជួលទៅឲ្យក្រុមហ៊ុនខាងលើក្នុងរយៈពេល ៩៩ឆ្នាំ ហើយថវិកា ដែលបានពីការជួលដីនេះ ត្រូវយកសាងសង់អាគារ គ.ជ.ប ថ្មីនេះ៕

អត្ថបទ៖ វាសនា