ថ្លែង​ក្នុងពិធីបើកការដ្ឋាន​សាងសង់ផ្លូវចំនួន ៣៤​ខ្សែ​ក្នុងក្រុងព្រះសីហនុ នាព្រឹកថ្ងៃទី១៦ ខែវិច្ឆិកា ឆ្នាំ​២០១៩ សម្តេច ហ៊ុន សែន ថ្លែងថា បញ្ហាខូចខាតផ្លូវក្នុងក្រុងព្រះសីហនុ ទោះមាន​អភិបាលខេត្ត​ដូចជាលោក គួច ចំរើន ដល់ទៅ១០០នាក់​ក៏ដោយ ក៏មិនអាចដោះស្រាយបានដែរ បើរាជរដ្ឋាភិបាល​មិនដំណើរការសាងសង់ទេនោះ។

សម្តេច​បាន​លើកឡើង​យ៉ាងដូច្នេះ​ថា៖ «**យើងពិនិត្យមើល អគារខ្ពស់ធំៗហើយ​រៀបចំភ្លើងយ៉ាងល្អ ប៉ុន្តែយើងបែរជាដើរក្នុងផុក តើវាសមទេ? អត់សមទេ! ហើយកុំថា គួច ចំរើន មួយ ឱ្យគួច ចំរើន ១០០មកទៀត ក៏ងាប់ដែរ។ អាហ្នឹងយើងត្រូវតែដំណើរការសាងសង់**»។

សម្តេចបន្ថែមថា បន្ទាប់ពីលោក គួច ចំរើន ចូលកាន់តំណែង​ជាអភិបាលខេត្តព្រះសីហនុ លោកត្រូវជួបមេរៀនធំបំផុតមួយ គឺបញ្ហាទឹកជំនន់​ក្នុងក្រុងព្រះសីហនុ ដែលកើតឡើង​នាពេលកន្លងមកនេះ៕

អត្ថបទ​ទាក់ទង៖

• ក្រុងព្រះសីហនុ ជិត​មាន​ផ្លូវ​រថយន្ត​ដល់ទៅ ៦​គន្លង​ហើយ

• សម្តេច ហ៊ុន សែន ថា​ថ្ងៃខាងមុខ​ពលរដ្ឋ​ទូទាំង​ប្រទេស សុទ្ធតែ​ចង់ទៅមើល​ផ្លូវនៅខេត្ត​ព្រះសីហនុ

• មានអ្នកតេ​ច្រឡំលេខ​ចូល​ទូរសព្ទ​សម្តេច ហ៊ុន សែន ក្នុងពេល​កំពុងថ្លែង​ជា​សាធារណៈ