រដ្ឋមន្រ្តីកងទ័ពបារាំង ព្រលះអាមេរិក រឿងបង្ខំឱ្យប្រទេសអឺរ៉ុបទិញសព្វាវុធខ្លួន

2019-12-02 04:19:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បន្ទាប់ពីប្រធានាធិបតីបារាំងលោក Emmanuel Macron បានហៅ NATO ថា «ងាប់ខួរក្បាល» ដោយសារតែអាមេរិក កាលពីពេលថ្មីៗនេះ រដ្ឋមន្រ្តីកងទ័ពបារាំង លោកស្រី Florence Parly ក៏បានបន្ថែមការរិះគន់ទៅលើអាមេរិក ដែលដាក់សម្ពាធឱ្យសម្ព័ន្ធមិត្ត NATO ទិញសព្វាវុធពីអាមេរិកផងដែរ។

ក្នុងកិច្ចសម្ភាសន៍ជាមួយសារព័ត៌មាន Le Journal du Dimanche លោកស្រី បានលើកឡើងថា NATO មាន «មាត្រា ៥» ដែលចែងពីការការពារគ្នាទៅវិញទៅមកនៃប្រទេសជាសមាជិក ពុំមែនជា «មាត្រា F-35» ដែលតម្រូវឱ្យប្រទេសជាសមាជិកទិញអាវុធពីអាមេរិកនោះទេ។

រដ្ឋមន្រ្តីបារាំងបន្តទៀតថា ប្រទេសសមាជិកទាំងអស់ មិនគួរជ្រើសរើសរវាង NATO និង អឺរ៉ុប នោះទេ ប៉ុន្តែទាំង២នេះ ត្រូវបំពេញឱ្យគ្នាទៅវិញទៅមក។ NATO មិនអាចផ្តល់ឱ្យប្រទេសអឺរ៉ុប នូវអធិបតេយ្យភាពរបស់ពួកគេបានទេ ប៉ុន្តែពួកគេត្រូវតែសម្រេចដោយខ្លួនពួកគេផ្ទាល់។

«បច្ចុប្បន្ន អឺរ៉ុបមិនទាន់មានឧបករណ៍យោធា ដើម្បីកសាងនូវអ្វីដែលជាអំណាចនយោបាយ និងសេដ្ឋកិច្ចមួយ នៅឡើយទេ»។ NATO នឹងមិនមែនជាឧបករណ៍នៃអធិបតេយ្យភាពរបស់យើងឡើយ។ វាអាស្រ័យលើប្រទេសអឺរ៉ុបក្នុងការកសាងអធិបតេយ្យរបស់ខ្លួន»។ នេះជាការបញ្ជាក់បន្ថែមរបស់លោកស្រី Florence Parly៕

ចុចអាន៖

ប្រភព៖ Sputnik News ប្រែសម្រួល៖ សំភី