ទឹកដោះគោកូនក្មេង ៣ប្រភេទ ត្រូវក្រសួងប្រកាសថា មានមេរោគឆ្លង
- 2017-12-20 09:34:48
- ចំនួនមតិ 0 | ចំនួនចែករំលែក 0
ទឹកដោះគោកូនក្មេង ៣ប្រភេទ ត្រូវក្រសួងប្រកាសថា មានមេរោគឆ្លង
ចន្លោះមិនឃើញ
យោងតាមសេចក្ដីប្រកាសរបស់ក្រសួងសុខាភិបាល បានឲ្យដឹងថា ក្រសួងបានទទួលដំណឹងពីបណ្ដាញអាជ្ញាធរសុវត្ថិភាពចំណីអាហារអន្តរជាតិ (INFOSAN = International Food Safety Authority Networks) និងសេចក្ដីប្រកាសរបស់រោងចក្រឈ្មោះ ឡាក់តាលីសអាំងទែណាស្យូណាល់ (LACTALIS INTERNATIONAL) ថា មានផលិតផលទឹកដោះគោចំនួន ៣ប្រភេទ បានឆ្លងមេរោគ សាលម៉ូណែលឡា។
មេរោគនេះ បានឆ្លងនៅក្នុងខ្សែសង្វាក់ផលិតកម្ម ដែលអាចបង្កឲ្យមានគ្រោះថ្នាក់ដល់សុខភាពអ្នកប្រើប្រាស់ ពិសេសចំពោះទារក កុមារតូចៗ ស្ត្រីមានផ្ទៃពោះ និងស្ត្រីកំពុងបំបៅដោះកូន។ ផលិតផលទឹកដោះទាំង៣ រួមមាន៖
- សេលីយ៉ា អាដេ (CELIA AD)
- សេលីយ៉ា ម៉ាម៉ា (CELIA MAMA)
- ពីកូត អេស អិល (PICOT SL)
ក្រសួងសុខាភិបាល ក៏បានប្រកាសផងដែរថា ក្នុងករណីប្រទះឃើញ ឬកំពុងប្រើប្រាស់ផលិតផលខាងលើនេះ សូមប្រញាប់ផ្ដល់ព័ត៌មានដល់នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសម្អាងនៃក្រសួងសុខាភិបាល តាមរយៈលេខ៖ ០៨៥ ៥៣៨ ០៦៦ ឬ ០៧៧ ៨០៤ ៤៦៦ ឬ ០១២ ២០៤ ៩៦៥ និង ០៦១ ២២៣ ៣២៦៕