ពលរដ្ឋជិត២០០គ្រួសារ រស់នៅស្រុកស្អាង ព្រួយបារម្ភពីការបាក់ច្រាំងទន្លេ

2017-12-27 04:32:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រជាពលរដ្ឋជិត ២០០គ្រួសារ រស់នៅភូមិកោះរំដួល ឃុំរកាខ្ពស់ ស្រុកស្អាង ខេត្តកណ្ដាល បានព្រួយបារម្ភបន្ទាប់ពីដីមាត់ច្រាំងទន្លេបានបាក់ស្រុតជារៀងរាល់ថ្ងៃ ដោយសារតែការបូមខ្សាច់របស់ក្រុមហ៊ុនឯកជនមួយ។ ពួកគាត់សុំឲ្យអាជ្ញាធរមានសមត្ថកិច្ចពាក់ព័ន្ធចាត់វិធានការ និងជួយអន្តរាគមន៍។

ប្រជាពលរដ្ឋ បានឲ្យដឹងថា នៅពេលដែលមិនទាន់មានការបូមខ្សាច់ គឺច្រាំងមាត់ទន្លេ មិនមែននៅកៀកផ្លូវទេ គឺនៅចម្ងាយប្រមាណជា១៥ ទៅ ជិត២០ម៉ែត្រឯណោះ។ ប៉ុន្តែបន្ទាប់ពីមានក្រុមហ៊ុនបូមខ្សាច់ ដីច្រាំងទន្លេចេះតែបាក់ជាបន្តបន្ទាប់ រហូតដល់ថ្នាក់ដល់ចំណុចប្រកាសអាសន្នហើយ។ ប្រសិនមិនមានការទប់ស្កាត់ទេ ប្រាកដជាបាក់ផ្ទះ បាក់ផ្លូវបេតុង ចូលទន្លេជាក់ជាមិនខានឡើយ។

ចំណែកលោក ឌិត ទីណា រដ្ឋលេខាធិការក្រសួងរ៉ែ និងថាមពល បានបញ្ជាក់ថា បើសិនជារកឃើញថា ក្រុមហ៊ុននោះហ៊ានបូមពេលយប់មែននោះ ក្រសួងនឹងដកមន្ត្រីចាំឃ្លាំមើល និងដកអាជ្ញាបណ្ណក្រុមហ៊ុន ឡេង ជីន ចោលតែម្តង។ លោកបានលើកឡើងថា បច្ចុប្បន្នក្រសួងបានយកចិត្តទុកដាក់ចំពោះកន្លែងណាដែលមានបញ្ហា ដោយនឹងចាត់មន្ត្រីចុះទៅដោះស្រាយភ្លាមៗ៕

អត្ថបទ៖ សោភា