តុលាការថៃ បានបិទរឿងក្តីប្រមាថស្ដេច នរេសួន

2018-01-18 00:59:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តុលាការយោធាថៃ កាលពីថ្ងៃពុធទី១៥មករា បានសម្រេចបិទបណ្ដឹងចោទសាស្ត្រាចារ្យវ័យ៨៥ឆ្នាំ ពីបទប្រមាថស្ដេចដោយចោទសួររកការពិតរអំពីសមរភូមិ ទាក់ទងនឹងការប្រើប្រាស់ដំរីនៅក្នុងសតវត្សទី១៧ក្នុងរាជស្ដេច នរេសួន។ នេះបើតាមការបញ្ជាក់របស់មេធាវីរបស់លោក។

លោក Sulak Sivaraksa

នាឆ្នាំ២០១៤កន្លងទៅ លោក Sulak Sivaraksa សាស្ត្រាចារ្យមហាវិទ្យាល័យ បានចោទជាសំនួរនៅសិក្ខាសាលាមួយ ថាតើសមរភូមិរបស់វីរបុរសថៃ គឺស្ដេចនេរេសួនដែលត្រូវបានលើកឡើងថា ទ្រង់បានសម្លាប់រាជបុត្ររបស់ភូមាដោយប្រើប្រាស់ដំរី បានកើតមានពិតមែនឬយ៉ាងណា។

ជុំវិញរឿងនេះលោក Sulak បានប្រាប់អ្នកកាសែតនៅតុលាការថា លោកគិតថារឿងក្ដីនេះត្រូវបានបញ្ឈប់ដោយសារតែសេចក្ដីប្រោសប្រណីពីព្រះមហាក្សត្រ។ ហើយលោកក៏ធ្លាប់ស្នើសុំឲ្យមនុស្សជាច្រើនជួយ តែគ្មាននរណាហ៊ានឡើយ។

បើមានចែងក្នុងច្បាប់ lese majeste របស់ថៃ គឺច្បាប់នេះប្រឆាំងរាល់ការបរិហារកេរ្តិ៍ ការប្រមាថ និងការគំរាមកំហែងទៅលើរាជានិយម។ លើសពីនេះលោក Sulak អាចនឹងចាប់គុក១៥ឆ្នាំ បើសិនជាតុលាការរកឃើញថា លោកបានប្រព្រឹត្តខុសនឹងច្បាប់នេះមែន។

គួររម្លឹកថា យ៉ាងតិចណាស់មនុស្សចំនួន៩៤នាក់ ត្រូវបានចាប់ខ្លួនដោយសារច្បាប់ lese majesteនេះ ហើយមានមនុស្សចំនួន៤៣នាក់ ត្រូវបានកាត់ទោសតាំងពីរដ្ឋប្រហារឆ្នាំ២០១៤មក៕

ប្រភព៖ Reuters ប្រែសម្រួល៖ អឹុម ម៉េងស៊ាង