ធនាគារកណ្ដាលចិន បញ្ជាឲ្យបិទចរាចររូបិយប័ណ្ណឌីជីថលជាបន្ទាន់
- 2018-01-18 06:25:05
- ចំនួនមតិ 0 | ចំនួនចែករំលែក 0
ធនាគារកណ្ដាលចិន បញ្ជាឲ្យបិទចរាចររូបិយប័ណ្ណឌីជីថលជាបន្ទាន់
ចន្លោះមិនឃើញ
មន្ត្រីជាន់ខ្ពស់បម្រើការនៅធនាគារកណ្ដាលប្រទេសចិនបានប្រាប់ទៅអាជ្ញាធរ ឲ្យធ្វើការហាមឃាត់ការជួញដូររូបិយប័ណ្ណឌីជីថល ព្រមទាំងបុគ្គលនិងរាល់អាជីវកម្មគ្រប់ប្រភេទដែលពាក់ព័ន្ធ។ នេះបើយោងតាមរបាយការណ៍ពីសារព័ត៌មាន Reuters។
ក្នុងសេចក្ដីថ្លែងការណ៍ក្នុងកិច្ចប្រជុំទាក់ទងនិយតករប្រើប្រាស់អ៊ីនធឺណិត និងអ្នកធ្វើនយោបាយកាលពីសប្ដាហ៍មុន អនុប្រធានធនាគារកណ្ដាលលោក Pan Gongsheng បានបញ្ជាក់ថា រដ្ឋាភិបាលចាំបាច់ត្រូវបន្តសង្កត់ធ្ងន់ជុំវិញការធ្វើពាណិជ្ជកម្មរូបិយប័ណ្ណឌីជីថល និងបញ្ចៀសការកើតឡើងនូវហានិភ័យក្នុងទីផ្សារនោះ។
Bitcoin ជាកត្តាចម្បងដែលជះឥទ្ធិពលដល់មនុស្សជាច្រើនក្នុងប្រទេសមួយនេះ ថ្វីបើកាលពីឆ្នាំទៅ រដ្ឋាភិបាលព្យាយាមហាមឃាត់និងដាក់កំហិតម្តងហើយក៏ដោយ ប៉ុន្តែលំហូរពីទីផ្សារអន្តរជាតិនៅតែបន្តកើតមានក្នុងទីផ្សារយក្សនេះជារឿយៗ។
គូសបញ្ជាក់ថាចិនជាប្រទេសធំបំផុតក្នុងលោកដែលធ្វើការជួញដូររូបិយប័ណ្ណឌីជីថល ប៉ុន្តែលោក Pan បានចង្អុលឲ្យរដ្ឋាភិបាលគួរធ្វើការបញ្ឈប់សកម្មភាពទាំងនេះជាបន្ទាន់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០១៦
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
