ការប្រើប្រាស់គ្រឿងយន្ត សម្រាប់ភ្ជួររាស់ក្នុងវិស័យកសិកម្ម មានជាង ៩៣% នៅឆ្នាំ២០១៧
- 2018-02-04 02:48:29
- ចំនួនមតិ 0 | ចំនួនចែករំលែក 0
ការប្រើប្រាស់គ្រឿងយន្ត សម្រាប់ភ្ជួររាស់ក្នុងវិស័យកសិកម្ម មានជាង ៩៣% នៅឆ្នាំ២០១៧
ចន្លោះមិនឃើញ
នៅឆ្នាំ២០១៧ ការប្រើប្រាស់គ្រឿងយន្តសម្រាប់ផលិតកម្មកសិកម្ម ស្មើនឹង ៩៣,៧៣% ធៀបនឹងការប្រើប្រាស់ដោយគោ-ក្របី មាន ៦,២៧%។ ក្នុងនោះ ផ្ទៃដីភ្ជួររាស់សម្រេចបានជាង ២,៩លានហិចតា ដែលភ្ជួររាស់ដោយគោក្របី បានចំនួនជាង ១៨ម៉ឺនហិចតា និងដោយគ្រឿងយន្តកសិកម្ម មានចំនួនជាង ២,៧លានហិចតា។ នេះបើតាមរបាយការណ៍ប្រចាំឆ្នាំ២០១៧ របស់ក្រសួងកសិកម្ម រុក្ខាប្រមាញ់ និងនេសាទ។
របាយការណ៍នេះ ក៏បានបង្ហាញថា នៅឆ្នាំ២០១៧ ការងារបង្កបង្កើនផលស្រូវរដូវវស្សា បានបញ្ចប់ដោយសម្រេចបានជាង ២,៦លានហិចតា ស្មើនឹង ១០៦,៤៥% នៃផែនការ ២,៤លានហិចតា។
ដោយឡែក ការងារប្រមូលផលស្រូវរដូវវស្សា ក្នុងឆ្នាំ២០១៧ សម្រេចបានជាង ២,៣លានហិចតា លើផ្ទៃដីអនុវត្តសរុប ២,៦លានហិចតា ដោយទទួលបានបរិមាណផលសរុប ចំនួនជាង ៧,១លាន តោន លើសឆ្នាំមុនចំនួនជាង ៣២ម៉ឺនតោន។ ទិន្នផលគិតជាមធ្យមជាង ៣ពាន់តោន ក្នុង១ហិចតា លើសឆ្នាំមុន ៥០គីឡូក្រាមក្នុង១ហិចតា៕