សហគ្រាសមួយ ផលិតកាបូបលុយធ្វើពីពោះវៀនកង់ឡានចាស់ៗ
- 2018-02-11 07:33:22
- ចំនួនមតិ 0 | ចំនួនចែករំលែក 0
សហគ្រាសមួយ ផលិតកាបូបលុយធ្វើពីពោះវៀនកង់ឡានចាស់ៗ
ចន្លោះមិនឃើញ
យុវជន ១ក្រុមនៃសហគ្រាសសង្គម Kraftino បានបំផុសគំនិតដំបូងគេ ដោយយកពោះវៀនកង់ឡានចាស់ៗ ច្នៃជាកាបូបលុយ ហើយលក់នៅលើទីផ្សារ ដែលកំពុងទទួលបានការចាប់អារម្មណ៍ទាំងក្នុងស្រុក និងក្រៅប្រទេស។
១. លោក ប៊ុន ណារ៉ាទីតូ សហស្ថាបនិកនៃសហគ្រាសសង្គម Kraftino មានទីតាំងស្ថិតនៅខណ្ឌឬស្សីកែវ រាជធានីភ្នំពេញ។ សហគ្រាសសង្គម Kraftino ដែលផលិតកាបូបលុយធ្វើពីពោះវៀនកង់ឡានចាស់ៗ ត្រូវបានបង្កើតឡើងនៅឆ្នាំ ២០១៤ ក្នុងគោលដៅជំរុញការប្រើប្រាស់សម្ភារៈចាស់ៗឡើងវិញ ក៏ដូចជាផ្ដល់ការងារធ្វើដល់ជនពិការនិងស្ដ្រីមានវិបត្តិ។
២. បុគ្គលិកសហគ្រាសសង្គម Kraftino កំពុងដុសលាងនិងកាត់ពោះវៀនកង់ឡានចាស់ៗ មុននឹងយកទៅដេរជាកាបូបលុយ។
៣. បុគ្គលិកស្ដ្រីជាជនពិការដែលទទួលការងារពីសហគ្រាសសង្គម Kraftino កំពុងតែដេរដំឡើងកាបូបលុយធ្វើពីពោះវៀនកង់ឡានចាស់ៗ នៅផ្ទះរបស់គាត់ ក្នុងក្រុងតាខ្មៅ ខេត្តកណ្ដាល។
៤. ស្ថិតនៅក្នុងផ្ទះរបស់គាត់នៅក្រុងតាខ្មៅខេត្តកណ្ដាល បុគ្គលិកជាជនពិការដែលទទួលការងារពីសហគ្រាសសង្គម Kraftino កំពុងពិនិត្យគុណភាពកាបូបដែលដេររួច មុននឹងវេចខ្ចប់បញ្ជូនទៅកាន់សហគ្រាសនៅភ្នំពេញ។
៥. ផលិតផលសម្រេចដែលធ្វើពីពោះវៀនកង់ឡានចាស់ៗ របស់សហគ្រាសសង្គម Kraftino មានចំនួន៤ប្រភេទ ត្រូវបាននាំទៅកាន់ទីផ្សារក្នុងស្រុក ពិសេសទីផ្សារក្រៅស្រុក ដែលមានដូចជា៖ ប្រទេសកាណាដា អូស្ត្រាលី អាមេរិក និងញូវហ្ស៊ីលែន៕