ដំណើរការនៃការធ្វើនំខ្មែរអង្គរ ដែលល្បីនៅខេត្តសៀមរាប
- 2018-03-04 06:31:45
- ចំនួនមតិ 0 | ចំនួនចែករំលែក 0
ដំណើរការនៃការធ្វើនំខ្មែរអង្គរ ដែលល្បីនៅខេត្តសៀមរាប
ចន្លោះមិនឃើញ
ក្រុមការងារ «ផ្លូវទៅស្រុកវគ្គ២» បានទៅដល់ខេត្តសៀមរាប និងផ្ដិតរូបភាពពីសង្វាក់ផលិតកម្ម នៃការធ្វើនំខ្មែរអង្គរ នៃក្រុមហ៊ុន LM Lima Angkor Food Co.,LTD ដែលគ្រប់គ្នាល្បីថា នំឆ្ងាញ់ និងមានការវេចខ្ចប់ប្រកបដោយអនាម័យល្អ។ ដូច្នេះ សូមទស្សនាពីដំណើរការនៃការធ្វើនំខ្មែរអង្គរ១នេះ ដូចខាងក្រោម៖
១. លោកស្រី លឹម លីម៉ា អាយុ៣៩ឆ្នាំ ស្ថាបនិកនិងជានាយិកាប្រតិបត្តិក្រុមហ៊ុន LM Lima Angkor Food Co LTD.។ លោកស្រី លីម៉ា និងស្វាមី បានចាប់ដៃគ្នាកសាងក្រុមហ៊ុននេះឡើងនៅក្នុងខេត្តសៀមរាប ចាប់តាំងពីចុងឆ្នាំ២០០៨មកម្ល៉េះ។
២. ការលាយម្សៅជាមួយគ្រឿងផ្សំច្រើនមុខ គឺជាដំណាក់កាលដំបូងនិងសំខាន់បំផុតនៃការផលិតនំ Cookies នៅក្នុងក្រុមហ៊ុន LM Lima Angkor Food។ នៅក្នុងរូបភាពនេះ កម្មករកំពុងតែវាយប៊ឺរ ហើយត្រៀមនឹងចាក់ម្សៅចូលទៅក្នុងម៉ាស៊ីន។
៣. បន្ទាប់ពីផ្សំគ្រឿងរួចស្រេចហើយ ល្បាយម្សៅនំ Cookies ត្រូវបានកម្មករយកទៅចាក់ចូលពុម្ពជារាងផ្សេងៗ មុននឹងដាក់ដុតនៅក្នុងឡក្នុងរយៈពេលកំណត់មួយសមស្របតាមប្រភេទនំ។ បន្ទាប់មកទើបកម្មករយកនំដែលឆ្អិនហើយ បញ្ជូនទៅកន្លែងវេចខ្ចប់។
៤. ការវេចខ្ចប់នំនឹងធ្វើឡើងនៅពេលដែលនំត្រជាក់។ កម្មករច្រកនំចូលទៅក្នុងស្បោងផ្លាស្ទិកដែលស្អាតមានអនាម័យខ្ពស់ទៅតាមប្រភេទរបស់នំ។
៥. នំ Cookies ប្រភេទខ្លះត្រូវបានវេចខ្ចប់ដោយម៉ាស៊ីនស្វ័យប្រវត្តិដើម្បីសន្សំសំចៃពេលវេលា និងរក្សាគុណភាពនំឲ្យបានយូរ។
៦. ក្រុមហ៊ុន LM Lima Angkor Food ផលិតនំ Cookies ច្រើនរសជាតិ ស្រា ដំណាប់ផ្លែឈើ និងស្ករសូកូឡាជាដើម៕